ପିଏମଓରୁ ମୟୂରଭଞ୍ଜ ସାଂସଦଙ୍କୁ ଫୋନ୍ ଆସିଥିବା ସୂଚନା । ବିଶେଶ୍ୱରଙ୍କୁ ମିଳିପାରେ ରାଷ୍ଟ୍ରମନ୍ତ୍ରୀ ପାହ୍ୟା, ପୂର୍ବରୁ ପ୍ରଧାନମନ୍ତ୍ରୀଙ୍କ ବାସଭବନରେ ପହଞ୍ଚିଥିଲେ ଅଶ୍ୱିନୀ ।
କନକ ବ୍ୟୁରୋ : ମୟୂରଭଞ୍ଜ ସାଂସଦ ବିଶେଶ୍ୱର ଟୁଡୁଙ୍କୁ ପିଏମଓରୁ ଫୋନ୍ । ମୋଦିଙ୍କ ମନ୍ତ୍ରୀମଣ୍ଡଳରେ ବିଶେଶ୍ୱର ସାମିଲ ହେବା ନେଇ ଚର୍ଚ୍ଚା ବଢିଲା । ପ୍ରଧାନମନ୍ତ୍ରୀ ଅଫିସରୁ ତାଙ୍କ ପାଖକୁ ଫୋନ୍ ଆସିଥିବା ସୂଚନା । ବିଶେଶ୍ୱରଙ୍କୁ ରାଷ୍ଟ୍ରମନ୍ତ୍ରୀ ପାହ୍ୟା ମିଳିବା ଚର୍ଚ୍ଚା ଆରମ୍ଭ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ ବିଶେଶ୍ୱରଙ୍କୁ ପିଏମଓରୁ ଫୋନ୍ ଆସିଥିବା ନେଇ ସୂଚନା ମିଳିଥିବା ବେଳେ ରାଜ୍ୟସଭା ସାଂସଦ ଅଶ୍ୱିନୀ ବୈଷ୍ଣବ ପ୍ରଧାନମନ୍ତ୍ରୀଙ୍କ ବାସଭବନରେ ପହଞ୍ଚିଛନ୍ତି । ଅଶ୍ୱିନୀଙ୍କ ମଧ୍ୟ ମୋଦିଙ୍କ ମନ୍ତ୍ରୀମଣ୍ଡଳରେ ସ୍ଥାନ ମିଳିବା ନେଇ ସମ୍ଭାବନା ବଢିଛି । ଉଭୟ ବିଶେଶ୍ୱର ଓ ଅଶ୍ୱିନୀ ପ୍ରଥମ ଥର ପାଇଁ ସାଂସଦ ଭାବେ ସଂସଦକୁ ଯାଇଛନ୍ତି । ଆଉ ସବୁଠୁ ବଡ କଥା ହେଲା, ପୂର୍ବରୁ ଏହି ଦୁଇ ନେତାଙ୍କର କୌଣସି ବ୍ୟାକଗ୍ରାଉଣ୍ଡ ନାହିଁ । ୨୦୧୯ରେ ବିଶେଶ୍ୱର ମୟୂରଭଞ୍ଜ ଲୋକସଭା ଆସନରୁ ନିର୍ବାଚିତ ହୋଇଥିବା ବେଳେ ଅଶ୍ୱିନୀ ବୈଷ୍ଣବ ରାଜ୍ୟସଭାରୁ ସାଂସଦ ହୋଇଛନ୍ତି । ଯଦି ଉଭୟ ବିଶେଶ୍ୱର ଓ ଅଶ୍ୱିନୀଙ୍କୁ ମନ୍ତ୍ରୀପଦ ମିଳେ ତେବେ ବିଜେପି ଫୋକସରେ ଓଡ଼ିଶା ରହିଥିବା ନେଇ ସଂକେତ ମିଳିବ । ପୂର୍ବରୁ ମୋଦିଙ୍କ ମନ୍ତ୍ରୀମଣ୍ଡଳରେ ଦୁଇ ଓଡ଼ିଆ ଧର୍ମେନ୍ଦ୍ର ପ୍ରଧାନ ଓ ପ୍ରତାପ ଷଡଙ୍ଗୀ ମନ୍ତ୍ରୀ ରହିଛନ୍ତି । ଧର୍ମେନ୍ଦ୍ରଙ୍କ ପାଖରେ କ୍ୟାବିନେଟ ପାହ୍ୟା ସହ ଏକାଧିକ ବିଭାଗ ଥିବା ବେଳେ ପ୍ରତାପଙ୍କୁ ରାଷ୍ଟମନ୍ତ୍ରୀ ପାହ୍ୟା ମିଳିଛି । ମୋଦିଙ୍କ ନୂଆ ମନ୍ତ୍ରୀମଣ୍ଡଳ ସଂପ୍ରସାରଣରେ ପ୍ରଶାସନିକ ଦକ୍ଷତା, ଶିକ୍ଷାଗତ ଯୋଗ୍ୟତା ଓ ଅଭିଜ୍ଞତା ଥିବା ନେତାଙ୍କୁ ସାମିଲ କରାଯିବ ବୋଲି ଚର୍ଚ୍ଚା ହେଉଛି ।