ପାକିସ୍ତାନର ଲାହୋର ଜେଲରେ ରହି ୨୫ ବର୍ଷ ପରେ ସୁନ୍ଦରଗଡ଼ ଫେରୁଛନ୍ତି ବିରଜୁ । ଆଣିବା ପାଇଁ ଅମୃତସରରେ ପହଞ୍ଚିଲା ପ୍ରଶାସନିକ ଟିମ୍
କନକ ବ୍ୟୁରୋ : ପାକିସ୍ତାନ ଲାହୋର ଜେଲରେ ୨୫ ବର୍ଷ ରହିବା ପରେ ଜନ୍ମ ମାଟିକୁ ଫେରୁଛନ୍ତି ଓଡ଼ିଆ ପୁଅ ବିରଜୁ । ବିରଜୁ ନିଜ ଗାଁକୁ ଫେରାଇଆଣିବାକୁ ଅମୃତସର ନାରୟଣଗଡ଼ରେ ସୁନ୍ଦରଗଡ଼ ଜିଲ୍ଲା ପ୍ରଶାସନର ଟିମ ପହଚିଂବା ପରେ କନକ ନ୍ୟୁଜକୁ ମିଳିଛି ବିରଜୁଙ୍କ ପ୍ରଥମ ଭିଡିଓ । ଦୀର୍ଘ ୨୫ ବର୍ଷ ଲାହୋର ଜେଲରେ ରହିବା ପରେ ନିଜ ମାତୃଭାଷା ଭୁଲିଯାଇଛନ୍ତି ବିରଜୁ । ବିରଜୁ ଫେରିଆସିବା ଖବର ଜଣାପଡିବା ପରେ ସୁନ୍ଦରଗଡ କୁତ୍ରା ବ୍ଲକ କଟଙ୍ଗ ଗାଁରେ ଖୁସିର ମାହୋଲ ଖେଳିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଲାହୋର ଜେଲରେ ୨୫ ବର୍ଷ କାଟିବା ପରେ ନିର୍ଦ୍ଦୋଷରେ ଖଲାସ ହୋଇଥିବା ବିରଜୁ କୁଲୁଙ୍କୁ ପାକିସ୍ତାନ ସରକାର ଭାରତ ସରାକରଙ୍କୁ ଗତ ୨୬ରେ ବାଘା ବୋର୍ଡ ଠାରେ ହସ୍ତାନ୍ତର କରିଥିଲା । ଅମୃତସରରେ ସୁନ୍ଦରଗଡ ଜିଲ୍ଲା ପ୍ରଶାସନର ସ୍ୱତନ୍ତ୍ର ଟିମ୍ ପହଚିଂଲା ପରେ ବିର୍ଜୁ କୁଲୁ ଙ୍କୁ ନିଜ ଜନ୍ମମାଟି କୁ ଆଣିବା ପାଇଁ ପ୍ରକ୍ରିୟା ଆରମ୍ଭ କରିବ ।
ବିର୍ଜୁ ନିଜ ଘର କୁ ଫେରି ଆସିବା ପରେ ତାଙ୍କର ପ୍ରଥମେ ଆଧାରକାର୍ଡ କରି ଦିଆଯିବା ପରେ ଭୋଟର କାର୍ଡ଼ ,ରାସନକାର୍ଡ ଏହିଭଳି ଭାବରେ ପର୍ଯ୍ୟାୟ କ୍ରମେ ଆବସ ଯୋଜନା ର ଘର ସହ ସମସ୍ତ ସୁବିଧା ପ୍ରଦାନ କରିଦିଆଯିବ । ଏହା ସହ ତାଙ୍କୁ ତାଙ୍କର ସମସ୍ତ ମୌଳିକ ଅଧିକାର ପ୍ରଶାସନ ଅତିଶୀଘ୍ର ପୂରଣ କରିବ ବୋଲି କହିଛନ୍ତି କୁତ୍ରାର ଗୋଷ୍ଠୀ ଉନ୍ନୟନ ଅଧିକାରୀ ମାନସ ରଞ୍ଜନ ରାୟ ।