ଯାଜପୁର ବିଞ୍ଝାରପୁରରେ ହତ୍ୟାକାରୀ ସାଜିଥିଲା ଏତଲାକାରୀ । ସହଯୋଗୀ ସହ ମିଶି ସ୍ତ୍ରୀର ହତ୍ୟା ପରେ ପୁଲିସ ନିକଟରେ ହୋଇଥିଲା ଫେରାଦ୍ ।
କନକ ବ୍ୟୁରୋ: ହତ୍ୟାକାରୀ ସାଜିଥିଲା ଏତଲାକାରୀ । ସ୍ତ୍ରୀର ହତ୍ୟା କରି ପୁଲିସ ନିକଟରେ ଏତଲା ଦେଇଥିଲା ନିଜେ ହତ୍ୟାକାରୀ ସ୍ୱାମୀ । ଯାଜପୁର ଜିଲ୍ଲା ବିଞ୍ଝାରପୁରର ମଧୁସୂଦନପୁର ନୋଡାଲ ଉଚ୍ଚପ୍ରାଥମିକ ବିଦ୍ୟାଳୟ ପରିସରରୁ ଗତ ସୋମବାର ଦିନ ଏକ ମୃତଦେହ ମିଳିଥିଲା ।
Kanak News is now on WhatsApp
Join and get latest news updates delivered to you via WhatsApp
ନୟାଗଡ଼ ଜିଲ୍ଳାରେ ଏସଆଇ ଭାବେ କାମ କରୁଥୀବା ଟିଲନ ବେହେରାଙ୍କ ମାଆ ବିନୋଦୀନିଙ୍କ ମୃତଦେହ ବୋଲି ଚିହ୍ନଟ କରାଯାଇଥିଲା । ଏନେଇ ଥାନାରେ ଲିଖିତ ଅଭିଯୋଗ କରିଥିଲେ ବିନୋଦୀନିଙ୍କ ସ୍ୱାମୀ ଅଲେଖ । ପୁଲିସ ମୃତଦେହ ଜବତ କରିବା ପରେ ତଦନ୍ତ ଆରମ୍ଭ କରିଥିଲା । ତଦନ୍ତ ବେଳେ ସନ୍ଦେହଘେରକୁ ଆସିଥିଲେ ନିଜେ ଅଭିଯୋଗକାରୀ ଅଲେଖ । ପଚରାଉଚରା ପରେ ଅଲେଖ ଏବଂ ତାଙ୍କ ସହଯୋଗୀ ମିଶି ବିନୋଦୀନିଙ୍କ ହତ୍ୟା କରିଥିବା ସ୍ୱିକାର କରିଛନ୍ତି । ପାରିବାରିକ କଳହ କାରଣରୁ ଯୋଗୁଁ ବିନୋଦୀନିଙ୍କୁ ହତ୍ୟା କରିଥିବା ପୁଲିସ ଆଗରେ ମାନିଛି ଅଭିଯୁକ୍ତ । ହତ୍ୟାରେ ବ୍ୟବହାର ହୋଇଥିବା ଲୁହା ରଡକୁ ଜବତ କରିଛି ପୁଲିସ । ଏନେଇ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଯାଜପୁର ଏସଡିପିଓ ସତ୍ୟବ୍ରତ ଲେଙ୍କା ।