ପୁଣି ଚର୍ଚ୍ଚାରେ ଆମେରିକା ପୂର୍ବତନ ରାଷ୍ଟ୍ରପତିଙ୍କ ପ୍ରେମ କାହାଣୀ । ସର୍ବସମ୍ମୁଖରେ ପ୍ରଥମ ଥର ପାଇଁ ମୋନିକାଙ୍କ ସହ ସମ୍ପର୍କ ସ୍ୱୀକାର କଲେ କ୍ଲିଂଟନ ।
କନକ ବ୍ୟୁରୋ : ପୁଣି ଚର୍ଚ୍ଚାରେ ଆମେରିକା ପୂର୍ବତନ ରାଷ୍ଟ୍ରପତି ବିଲ୍ କ୍ଲିଂଟନଙ୍କ ପ୍ରେମ କାହାଣୀ । କ୍ଲିଂଟନ ଆମେରିକାର ରାଷ୍ଟ୍ରପତି ଥିବା ସମୟରେ ହ୍ୱାଇଟ ହାଉସରେ ଇନଟର୍ଣ୍ଣ ଥିବା ମୋନିକା ଲେୱିନସ୍କିଙ୍କ ସହ ତାଙ୍କ ପ୍ରେମ ସମ୍ପର୍କ ସେହି ସମୟରେ ସାରା ବିଶ୍ୱରେ ଚର୍ଚ୍ଚାର ବିଷୟ ପାଲଟିଥିଲା । ତେବେ ସର୍ବସମ୍ମୁଖରେ ପ୍ରଥମ ଥର ପାଇଁ ମୋନିକାଙ୍କ ସହ ସମ୍ପର୍କ ସ୍ୱୀକାର କରିଛନ୍ତି ବିଲ୍ କ୍ଲିଂଟନ । ରାଷ୍ଟ୍ରପତି ଥିବା ସମୟରେ ଚାପ ମୁକ୍ତ ହେବା ପାଇଁ ସେ ମୋନିକାଙ୍କ ସହ ସମ୍ପର୍କ ରଖିଥିଲେ ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରାୟ ୨୨ବର୍ଷର ତଳର ଏହି ଘଟଣା ଏବେ ପୁଣି ମୁଖ୍ୟଖବର ବନିଛି କାରଣ, ପ୍ରଥମ ଥର ପାଇଁ ସାର୍ବଜନୀନ ଭାବେ ମୋନିକା ଲେୱିନସ୍କିଙ୍କ ସହ ତାଙ୍କ ସମ୍ପର୍କ ନେଇ ମୁହଁ ଖୋଲିଛନ୍ତି ଆମେରିକାର ପୂର୍ବତନ ରାଷ୍ଟ୍ରପତି । ହ୍ୱାଇଟ ହାଉସରେ ମୋନିକାଙ୍କ ସହ ତାଙ୍କ ପ୍ରେମ ସମ୍ପର୍କ ଥିବା ମାନିଛନ୍ତି କ୍ଳିଂଟନ । ତେବେ ରାଷ୍ଟ୍ରପତି ପଦର ଚାପରୁ ମୁକ୍ତି ପାଇବା ପାଇଁ କ୍ଲିଂଟନ, ମୋନିକାଙ୍କ ସହ ସମ୍ପର୍କ ର୍ଖିଥିବା ଏକ ସାକ୍ଷାତକାରରେ ସ୍ୱିକାର କରିଛନ୍ତି ବିଲ୍ କ୍ଳିଂଟନ । ୬ତାରିଖରେ ରିଲିଜ ହୋଇଥିବା ଡକ୍ୟୁମେଂଟାରୀ ହିଲାରୀର ଲଂଚ ଅବସରରେ କ୍ଲିଂଟନ, ମୋନିକାଙ୍କ ସହ ତାଙ୍କ ସମ୍ପର୍କ ନେଇ ମୁହଁ ଖୋଲିଛନ୍ତି । କେବଳ ଏତିକି ନୁହେଁ ସର୍ବସମ୍ମୁଖରେ ମୋନିକା ଲେୱିନସ୍କିଙ୍କ ଠାରୁ କ୍ଷମାପ୍ରାର୍ଥନା ମଧ୍ୟ କରିଛନ୍ତି ।
ପରିବାର, ବିବାହ ଓ ଦେଶକୁ ବାଦ୍ ଦେଇ ସେ କିପରି ଏତେ ବଡ ପଦକ୍ଷେପ ନେଇଥିଲେ ବୋଲି ତାଙ୍କୁ ପଚରାଯାଇଥିଲା । ଏହାର ଜବାବରେ କ୍ଳିଂଟନ କହିଛନ୍ତି ଯେ, ସେହି ସମୟରେ ସେ ଏସବୁ ନେଇ କୌଣସି ଚିନ୍ତା କରିନଥିଲେ । ହ୍ୱାଇଟ ହାଉସ କାମ ଚାପରେ ସେ ଭୁଲ ରାସ୍ତାରେ ଚାଲିଯାଇଥିଲେ । ହ୍ୱାଇଟ ହାଉସରେ ଯେତେବେଳେ ଇନଟର୍ଣ୍ଣ ମୋନିକାଙ୍କ ସହ ସାକ୍ଷାତ ହୋଇଥିଲେ ସେହି ସମୟରେ ସେ ହୃଦୟଙ୍ଗମ କରିଥିଲେ ଯେ କେବଳ ମୋନିକା ତାଙ୍କୁ ଏହି ଚାପରୁ ମୁକ୍ତ କରିପାରିବେ । ଏବଂ ହ୍ୱାଇଟ ହାଉସରେ କାମର ଚାପ ଭିତରେ କେବଳ ମୋନିକା ହିଁ ତାଙ୍କୁ ଏହି ଚାପରୁ ମୁକ୍ତି କରୁଥିଲେ ।
ତେବେ ସେ ହିଲାରୀଙ୍କ ସମ୍ମୁଖରେ ସ୍କାଣ୍ଡାଲ ବିଷୟରେ ସବୁ ଖୋଲି କହିଥିଲେ । କିନ୍ତୁ ସବୁଠାରୁ କଷ୍ଟକର ଥିଲା ନିଜ ୧୮ବର୍ଷୀୟ ଝିଅ ସମ୍ମୁଖରେ ମୋନିକାଙ୍କ ସହ ସମ୍ପର୍କ ନେଇ ସ୍ୱୀକାର କରିବା । ହିଲାରୀ ସମ୍ମୁଖରେ ସ୍ୱିକାରୋକ୍ତି ଠାରୁ ମଧ୍ୟ ତାହା କଷ୍ଟକର ଥିଲା ବୋଲି ଆମେରିକାର ପୂର୍ବତନ ରାଷ୍ଟ୍ରପତି ବିଲ୍ କ୍ଲିଂଟନ କହିଛନ୍ତି ।
ଏହି ସ୍କାଣ୍ଡାଲ ଯୋଗୁଁ ବିଲ୍ କ୍ଲିଂଟନଙ୍କୁ ମହାଭିଯୋଗର ସମ୍ମୁଖୀନ ହେବାକୁ ପଡିଥିଲା । କିନ୍ତୁ ସେ ଏଥିରୁ ବର୍ତି ଯାଇଥିଲେ ଏବଂ ଦ୍ୱିତୀୟ ଥର ପାଇଁ ଆମେରିକାର ରାଷ୍ଟ୍ରପତି ହୋଇଥିଲେ । ୧୯୯୭-୯୮ରେ ବିଲ୍ କ୍ଳିଂଟନ ଓ ମୋନିକା ଲେୱିନସ୍କିଙ୍କ ସେକ୍ସ ସ୍କାଣ୍ଡାଲ ସାମ୍ନାକୁ ଆସିଥିଲା । ଯାହା କେବଳ ଆମେରିକା ନୁହେଁ ସାରା ବିଶ୍ୱରେ ଚର୍ଚ୍ଚାର ବିଷୟ ପାଲଟିଥିଲା ।