ଭୁବନେଶ୍ୱରରେ ଘରୁ ବାହାରିନି ଗାଡି । କିନ୍ତୁ କଟକରେ କଟାଯାଇଛି ଫାଇନ୍ । କଟକ ଆରଟିଓଙ୍କୁ ଯାଇ ପଚାରିବାରୁ ଦୁର୍ବ୍ୟବହାରର ଶିକାର ହେଲେ ଯୁବକ ।
କନକ ବ୍ୟୁରୋ : ଭୁବନେଶ୍ୱରରେ ଘରୁ ବାହାରିନି ଗାଡି । କିନ୍ତୁ କଟକରେ କଟାଯାଇଛି ଫାଇନ୍ । ଆରଟିଓର ଫାଇନ୍ ମେସେଜ୍ ମୋବାଇଲକୁ ଆସିବା ପରେ ଗାଡି ମାଲିକଙ୍କ ନିଦ ହଜିଯାଇଛି । ରାଜଧାନୀର ଦୁମଦୁମା ଅଂଚଳର ପୀତବାସ ନାୟକଙ୍କ ସହିତ ଘଟିଛି ଏପରି ଏକ ଘଟଣା । ଟ୍ରାଫିକ୍ ଗତ ୨୭ ତାରିଖ ସକାଳ ୧୦ଟା ୫୬ ମିନିଟରେ ପୀତବାସଙ୍କ ମୋବାଇଲକୁ ଆସିଥିଲା ଏହି ମେସେଜ୍ ।
Kanak News is now on WhatsApp
Join and get latest news updates delivered to you via WhatsApp
ଏହା ପରେ ସେ କଟକ ଆରଟିଓକୁ ଭେଟିବାକୁ ଯାଇ ଘଟଣା ନେଇ ପଚାରି ବୁଝିବା ସମୟରେ ତାଙ୍କୁ ଆରଟିଓ ଠାରୁ ଦୁର୍ବ୍ୟବହାରର ଶିକାର ହେବାକୁ ପଡିଛି । ତା ସହିତ ଗିରଫ ଧମକ ବି ଦେଇଛନ୍ତି ଆରଟିଓ ବାବୁ । ପୀତବାସଙ୍କ ଅଭିଯୋଗ ତାଙ୍କର ଗାଡି ନଂବରକୁ ଅନ୍ୟ କୌଣସି ଚୋରା ଗାଡି ବ୍ୟବହାର କରିଛି ।
ତେବେ ଫଟୋ ଉଠିଥିବା ସେହି ଚୋରା ଗାଡିକୁ ପ୍ରଥମେ ଧରାଯାଉ । ତାଙ୍କର ଗାଡି କମରସିଆଲ୍, ଟ୍ରାଫିକ୍ ରୁଲ୍ ନିୟମ ଉଲଂଘନ କରି ଆରଟିଓ କ୍ୟାମେରାରେ ଆସିଥିବା ଗାଡି କିନ୍ତୁ ପ୍ରାଇଭେଟ୍ ଗାଡି । ଏହି ଘଟଣାରୁ ସ୍ପଷ୍ଟ ହେଉଛି ସହରରେ ବୁଲୁଛି ଅନେକ ଚୋରା ଗାଡି । ଆଉ ଏହା ପଛରେ କୌଣସି ରାକେଟ୍ ବି କାମ କରୁଥାଇପାରେ । ଏସବୁର ପର୍ଦ୍ଦାଫାଶ ହେବା ଜରୁରୀ ବୋଲି ଦାବି କରିଛନ୍ତି ପୀତବାସ ।