ଦେବଦୂତ ସାଜିଲା ଆମ୍ବୁଲାନ୍ସ ବାଇକ୍: କନ୍ଧମାଳର ଦୁର୍ଗମ ଅଂଚଳରୁ ହସ୍ପିଟାଲ ଆସିବାକୁ ରୋଗୀ ଓ ଗର୍ଭବତୀଙ୍କୁ ମିଳୁଛି ସହୟତା
ସେପଟେ ଆମ୍ବୁଲାନ୍ସ ଯାଇପାରୁନଥିବା ଗାଁ ପାଇଁ ୬୦ଟି ବାଇକ ଆମ୍ବୁଲାନ୍ସ ଦେଲା ହିରୋ
କନକ ବ୍ୟୁରୋ: ତାଲାବନ୍ଦ କଟକଣା ଯୋଗୁଁ ସ୍ୱାସ୍ଥ୍ୟସେବା ମଧ୍ୟ ପ୍ରଭାବିତ ହେଉଛି । ବିଶେଷ କରି ଗର୍ଭବତୀ ଓ ବୃଦ୍ଧବୃଦ୍ଧା ଅସୁବିଧାର ସମ୍ମୁଖୀନ ହେଉଛନ୍ତି । ହେଲେ କନ୍ଧମାଳ ଜିଲ୍ଲାରେ ଦୁର୍ଗମ ଅଂଚଳରେ ଦେବଦୂତ ସାଜିଛି ବାଇକ ଆମ୍ବୁଲାନ୍ସ । ଜିଲ୍ଲା ପ୍ରଶାସନ ଓ ସ୍ୱେଚ୍ଛାସେବୀ ଅନୁଷ୍ଠାନର ମିଳିତ ସହଯୋଗରେ ବାଇକ ଆମ୍ବୁଲାନ୍ସ ଦୁର୍ଗମ ଅଂଚଳରୁ ଗର୍ଭବତୀ ମହିଳାଙ୍କୁ ଡାକ୍ତରଖାନାକୁ ଆଣି ସ୍ୱାସ୍ଥ୍ୟ ସେବା ଯୋଗାଇ ଦେଉଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ, ଭାରତରେ ଏମିତି ଅନେକ ଗାଁକୁ ରାସ୍ତା ନଥିବାରୁ ଯାଇପାରୁନି ଆମ୍ବୁଲାନ୍ସ, ଗୁରୁତର ରୋଗୀଙ୍କୁ ଭାରରେ ବୋହି ଆଣିବାକୁ ପଡୁଛି । ଏହାକୁ ନଜରରେ ରଖି ହିରୋ ମୋଟୋକର୍ପ ୬୦ ଟି ଦୁଇ ଚକିଆ ଆମ୍ବୁଲାନ୍ସ ଦାନ କରିଛି । ଏହି ମୋବାଇଲ୍ ଆମ୍ବୁଲାନ୍ସ ଗ୍ରାମାଞ୍ଚଳ ତଥା ଦୁର୍ଗମ ଅଞ୍ଚଳରେ ରୋଗୀମାନଙ୍କ ନିକଟରେ ପହଞ୍ଚିବ ଏବଂ ସେମାନଙ୍କୁ ନିକଟସ୍ଥ ଡାକ୍ତରଖାନାକୁ ପଠାଇବା ପାଇଁ ଉପଯୋଗୀ ହେବ । ଏହି ଆମ୍ବୁଲାନ୍ସଗୁଡିକ ୧୫୦ସିସି ଏବଂ ତଦୁର୍ଦ୍ଧ୍ୱ ବିସ୍ଥାପନ ସହିତ ହିରୋ ମୋଟୋକର୍ପ ମୋଟରସାଇକେଲରେ ଲଗାଯିବା ପାଇଁ ଆସେସୋରିଜ୍ ଭାବରେ ନିର୍ମାଣ କରାଯାଇଛି ।
Putting our engineering and manufacturing expertise to a social cause.
60 of such first-responder mobile ambulances will be donated to authorities for reaching out to patients in rural and remote areas and comfortably moving them to the nearest hospital.#StaySafe #WeCare pic.twitter.com/BmmbJ9zWAR— Hero MotoCorp (@HeroMotoCorp) April 14, 2020
ଏଥିସହ ଏହି ଆମ୍ବୁଲାନ୍ସ ସାମଗ୍ରୀଗୁଡ଼ିକରେ ପ୍ରାଥମିକ ଚିକିତ୍ସା ସହାୟତା କିଟ୍, ଅମ୍ଳଜାନ ସିଲିଣ୍ଡର, ଅଗ୍ନି ନିର୍ବାପକ ଯନ୍ତ୍ର ଏବଂ ସାଇରନ୍ ଭଳି ଅତ୍ୟାବଶ୍ୟକ ଚିକିତ୍ସା ଉପକରଣ ଅନ୍ତର୍ଭୁକ୍ତ ରହିଛି ।