କଂଗ୍ରେସ ପ୍ରଚାର କମିଟି ଅଧ୍ୟକ୍ଷରୁ ହଟିଲେ ବିଜୟ ପଟ୍ଟନାୟକ । କଂଗ୍ରେସ ଅଧ୍ୟକ୍ଷଙ୍କ ନିଷ୍ପତ୍ତିିକୁ ନେଇ ବଢିଲା ଚର୍ଚ୍ଚା ।
କନକ ବ୍ୟୁରୋ: ଓଡ଼ିଶା କଂଗ୍ରେସର ପ୍ରଚାର କମିଟି ଅଧ୍ୟକ୍ଷ ପଦରୁ ବିଜୟ ପଟ୍ଟନାୟକଙ୍କୁ ହଟାଇ ଦେଇଛି କଂଗ୍ରେସ । ତାଙ୍କ ସ୍ଥାନରେ ପୂର୍ବତନ କେନ୍ଦ୍ର ମନ୍ତ୍ରୀ ଭକ୍ତ ଚରଣ ଦାସଙ୍କୁ ଓଡ଼ିଶା କଂଗ୍ରେସର ପ୍ରଚାର କମିଟି ଅଧ୍ୟକ୍ଷ ଭାବେ ନିଯୁକ୍ତି ଦିଆଯାଇଛି । ଏହି କ୍ରମରେ ବିଜୟ ପଟ୍ଟନାୟକଙ୍କୁ କଂଗ୍ରେସର ଶୀର୍ଷ ନେତୃତ୍ୱ ନିର୍ବାଚନ ସମନ୍ୱୟ କମିଟି ଅଧ୍ୟକ୍ଷ ଭାବେ ଦାୟିତ୍ୱ ଦିଆଯାଇଛି । ଏଆଇସିସି ପକ୍ଷରୁ ସାଧାରଣ ସମ୍ପାଦକ କେ ସି ବେଣୁଗୋପାଳ ଏକ ପ୍ରେସ୍ ବିଜ୍ଞପ୍ତି ଜାରି କରି ଏହି ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତ ବର୍ଷ ଏପ୍ରିଲ୍ ମାସରେ ବିଜୟ ପଟ୍ଟନାୟକଙ୍କୁ ପ୍ରଚାର କମିଟି ଅଧ୍ୟକ୍ଷ ଦାୟିତ୍ୱ ଦିଆଯାଇଥିଲା । କିନ୍ତୁ ନିର୍ବାଚନ ମୁଣ୍ଡ ଉପରେ ଥିଲା ବେଳେ ପ୍ରଚାର କମିଟିର ଅଧ୍ୟକ୍ଷଙ୍କୁ ବଦଳାଇଦିଆଯିବା ଘଟଣା କଂଗ୍ରେସ ମହଲରେ ବେଶ୍ ଚର୍ଚ୍ଚାର ବିଷୟ ହୋଇଛି । ମିଳିଥିବା ସୂଚନା ଅନୁସାରେ କିଛିଦିନ ପୂର୍ବରୁ ଇସ୍ତାହାରକୁ ନେଇ ଦେଖାଦେଇଥିଲା ବିବାଦ । ବିଜୟଙ୍କ ବିରୋଧରେ ସଙ୍ଗୀନ୍ ଆଭିଯୋଗ ଆଣିଥିଲେ ପଂଚାନନ କାନୁନଗୋ । ସେ କରିଥିବା ଇସ୍ତାହାରକୁ ବିଜୟ ବଦଳାଇ ଦେଇଥିବା ଆଭିଯୋଗ କରିଥିଲେ । ପରେ ଏପରି ଏକ ନିଷ୍ପତ୍ତିି ଏଆଇସିସି ନେଇଥିବା କୁହାଯାଉଛି ।