ସୁଶାନ୍ତ ଆତ୍ମହତ୍ୟା ମାମଲା: ରିୟାଙ୍କ ଭାଇ ସୌଭିକଙ୍କୁ ଇଡିର ମାରାଥନ ପଚରାଉଚରା; ୧୮ ଘଂଟା ଧରି ତୁହାକୁ ତୁହା ପ୍ରଶ୍ନ, ପୂର୍ବରୁ ଗର୍ଲଫ୍ରେଣ୍ଡ ରିୟା ବି ହୋଇଥିଲେ ହାଜର
କନକ ବ୍ୟୁରୋ: ଅଭିନେତା ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ରିୟା ଚକ୍ରବର୍ତି ଓ ତାଙ୍କ ପରିବାର ଉପରେ ଆଇନର ପନଝା ଶକ୍ତ ହେବାରେ ଲାଗିଛି । ଅର୍ଥନୈତିକ ଅପରାଧ ଅଭିଯୋଗ ନେଇ ରିୟାଙ୍କ ଭାଇ ସୌଭିକ ଚକ୍ରବର୍ତିଙ୍କୁ ମାରାଥନ ଜେରା କରିଛି ପ୍ରବର୍ତନ ନିର୍ଦ୍ଦେଶାଳୟ । ମନିଲଣ୍ଡ୍ରିଂ ମାମଲାରେ ସୌଭିକ ଚକ୍ରବର୍ତିଙ୍କୁ ଦୀର୍ଘ ୧୮ ଘଂଟା ପଚରା ଉଚରା କରିଛନ୍ତି ଇଡି ଅଧିକାରୀ । ପୂର୍ବରୁ ମଧ୍ୟ ଗତ ଶୁକ୍ରବାର ସୌଭିକଙ୍କୁ ୨ଘଂଟା ଜେରା କରି ଛାଡି ଦେଇଥିଲା ଇଡି । ସେହି ଶୁକ୍ରବାର ସୁଶାନ୍ତଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତିଙ୍କୁ ୯ଘଂଟାର ଜେରା କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ବର୍ତମାନ ସୁଦ୍ଧା ରିୟାଙ୍କ ସମେତ ତାଙ୍କ ଭାଇ ସୈାଭିକ ଚକ୍ରବର୍ତି, ସୁଶାନ୍ତ ସିଂଙ୍କ ମ୍ୟାନେଜର ଶ୍ରୁତି ମୋଦି, ସିଏ ରିତେଶ ସାହା, ରିୟାଙ୍କ ବନ୍ଧୁ ସାମୁଏଲ ମିରିଣ୍ଡାଙ୍କୁ ପଚରାଉଚରା କରିସାରିଛି । ସୁଶାନ୍ତ ସିଂଙ୍କ ପିତା ରିୟା ଓ ତାଙ୍କ ପରିବାର ୧୫ କୋଟି ଟଙ୍କା ହେରଫେର କରଥିବା ଅଭିଯୋଗ ଆଣିଛନ୍ତି । ସେପଟେ ବିହାର ପୁଲିସ ସିବିଆଇକୁ ସୁଶାନ୍ତ କେସ ସଂପର୍କିତ ସମସ୍ତ ଦସ୍ତାବିଜ୍ ହସ୍ତାନ୍ତର କରିଛି । ସୁଶାନ୍ତ ସିଂ ମୃତ୍ୟୁ ମାମାଲାରେ ପକ୍ଷଭୁକ୍ତ କରିବାକୁ ସୁପ୍ରିମକୋର୍ଟରେ ଆବେଦନ କରିଛି ସିବିଆଇ ।
ଅନ୍ୟପଟେ ଗତକାଲି ସୁପ୍ରିମକୋର୍ଟରେ ମହାରାଷ୍ଟ୍ର ସରକାର ସୁଶାନ୍ତ ସିଂ ରାଜପୁତ ଆତ୍ମହତ୍ୟା ମାମଲାକୁ ନେଇ ଜବାବ ଦାଖଲ କରିଛନ୍ତି । ସେଥିରେ ସିବିଆଇ ତଦନ୍ତକୁ ବିରୋଧ କରିଛନ୍ତି ମହାରାଷ୍ଟ୍ର ସରକାର । ମହାରାଷ୍ଟ୍ର ପୁଲିସ ପକ୍ଷରୁ କୁହାଯାଇଛି, ମାମଲା ସୁପ୍ରିମକୋର୍ଟରେ ବିଚାରଧିନ ଥିବା ବେଳେ ସିବିଆଇ ମାମାଲା ରୁଜୁ କରିବାର ନଥିଲା କି ଟିମ ଗଠନ କରି ତଦନ୍ତ ଆରମ୍ଭର କରିବାର ନଥିଲା । ଅନ୍ତତଃ ସୁପ୍ରିମକୋର୍ଟଙ୍କ ରାୟ ଆସିବା ଯାଏଁ ସିବିଆଇ ଅପେକ୍ଷା କରିବା କଥା ବୋଲି କହିଛି ମହାରାଷ୍ଟ୍ର ପୁଲିସ ।