ମୋଦି ଜୀ, ବିହାରୀଙ୍କୁ ଦିଅନ୍ତୁ କାଶ୍ମୀର । ୧୫ ଦିନରେ ଯଦି ସୁଧାରି ନଦେବୁ ତାହେଲେ କହିବେ । କାହିଁକି ଏମିତି କହିଲେ ବିହାରର ପୂର୍ବତନ ମୁଖ୍ୟମନ୍ତ୍ରୀ ।
କନକ ବ୍ୟୁରୋ : ମୋଦି ଜୀ କାଶ୍ମୀରକୁ ସୁଧାରିବାର ଦାୟିତ୍ୱ ବିହାରବାସୀଙ୍କୁ ଦେଇଦିଅନ୍ତୁ , ୧୫ ଦିନରେ କାଶ୍ମୀରକୁ ଯଦି ନ ସୁଧାରିଦେବୁ ତାହେଲେ କହିବେ । କିଛି ଏମିତି କହିଛନ୍ତି ବିହାରର ପୂର୍ବତନ ମୁଖ୍ୟମନ୍ତ୍ରୀ ଜିତନ ରାମ ମାଂଝୀ । କାଶ୍ମୀରରେ ଗତ କିଛି ଦିନ ହେବ ବିହାରୀଙ୍କ ଉପରେ ଯେଉଁଭଳି ଆତଙ୍କବାଦୀ ଆକ୍ରମଣ ହେଉଛି ତାହାକୁ ନେଇ ଦୁଃଖ ପ୍ରକାଶ କରିବା ସହ ଏଭଳି କହିଛନ୍ତି ଜୀତନ ରାମ ମାଂଝୀ ।
Kanak News is now on WhatsApp
Join and get latest news updates delivered to you via WhatsApp
ଜୀତନ ରାମ ଟ୍ୱିଟ୍ କରି କହିଛନ୍ତି, କାଶ୍ମୀରରେ ଲଗାତାର ଆମ ନିରୀହ ବିହାରୀ ଭାଇଙ୍କୁ ହତ୍ୟା କରାଯାଉଛି ଯାହା ମୋତେ ବେଶ ବ୍ୟଥିତ କରିଛି । ଯଦି ସ୍ଥିତିରେ ସୁଧାର ଆସୁନି ତେବେ କାଶ୍ମୀରକୁ ବିହାରୀଙ୍କ ହାତରେ ଦିଅନ୍ତୁ ମୋଦୀ ଜୀ ଏବଂ ଶାହା ଜୀ । ୧୫ ଦିନ ମଧ୍ୟରେ କାଶ୍ମୀରକୁ ଯଦି ସୁଧାରି ନଦେବୁ ତେବେ କହିବେ ବୋଲି ଟ୍ୱିଟ୍ କରିଛନ୍ତି ଜୀତନରାମ ।
କାଶ୍ମୀରରେ ଗତ ୧୫ ଦିନ ମଧ୍ୟରେ ଆତଙ୍କବାଦୀ ମାନେ ବିହାର ଲୋକଙ୍କୁ ଆକ୍ରମଣ କରୁଥିବା ଦେଖିବାକୁ ମିଳୁଛି । ପ୍ରଥମେ ବିହାର ଯୁବକ ଯିଏ କାଶ୍ମୀରରେ ଗୁପଚୁପ୍ ବ୍ୟବସାୟ କରୁଥିଲେ ତାଙ୍କୁ ଆତଙ୍କବାଦୀ ମାନେ ଗୁଳି ମାରି ହତ୍ୟା କରିଥିଲେ । ପରେ ଶନିବାର ଅରବିନ୍ଦ କୁମାର ନାମକ ଯୁବକଙ୍କୁ ହତ୍ୟା କରାଯାଇଥିଲା । ସେହିଭଳି ରବିବାର ଦୁଇ ଜଣ ବିହାରୀ ଶ୍ରମିକଙ୍କୁ ଗୁଳି କରି ହତ୍ୟା କରାଯାଇଛି ।
कश्मीर में लगातार हमारे निहत्थे बिहारी भाईयों की हत्या की जा रहीं है जिससे मन व्यथित है।
अगर हालात में बदलाव नहीं हो पा रहें तो प्रधानमंत्री .@narendramodi जी,@AmitShah जी से आग्रह है,कश्मीर को सुधारने की जिम्मेवारी हम बिहारियों पर छोड दिजिए 15 दिन में सुधार नहीं दिया तो कहिएगा।— Jitan Ram Manjhi (@jitanrmanjhi) October 18, 2021
ଆତଙ୍କବାଦୀଙ୍କୁ ନିପାତ କରିବାକୁ ଏବେ ଭାରତୀୟ ସେନା ପକ୍ଷରୁ ଜୋରଦାର ଅପରେସନ କରାଯାଉଛି । ଖୋଜି ଖୋଜି ଆତଙ୍କବାଦୀଙ୍କୁ ନିପାତ କରାଯାଉଛି । ଏଭଳି ସ୍ଥିତିରେ ସେନା ଠାରୁ ଲୁଚି ସାଧାରଣ ଲୋକଙ୍କୁ ହତ୍ୟା କରୁଛନ୍ତି ଆତଙ୍କବାଦୀ । ଯେଉଁଥିପାଇଁ ରୋଜଗାର ପାଇଁ ଭାରତର ଭୁସ୍ୱର୍ଗ କୁହାଯାଉଥିବା କାଶ୍ମୀରକୁ ଆସିଥିବା ପ୍ରବାସୀ ମାନେ ଘରମୁହାଁ ହୋଇଛନ୍ତି । ଅନ୍ୟ ରାଜ୍ୟର ଲୋକ ଏବେ ଜମ୍ମୁ-କାଶ୍ମୀରରୁ ପଳାୟନ କରୁଥିବା ବେଳେ ରବିବାର ବିହାରର ଦୁଇ ପ୍ରବାସୀଙ୍କୁ ଆତଙ୍କବାଦୀ ହତ୍ୟା କରିବା ପରେ ରେଳଷ୍ଟେସନରେ ପ୍ରବାସୀ ଶ୍ରମିକଙ୍କର ଭିଡ଼ ବଢିବାରେ ଲାଗିଛି । ଟ୍ରେନ ପହଞ୍ଚିବାର ଅନେକ ପୂର୍ବରୁ ପ୍ରବାସୀ ଶ୍ରମିକ ରେଳ ଷ୍ଟେସନରେ ପହଞ୍ଚୁଥିବାର ଦେଖିବାକୁ ମିଳୁଛି ।