କନକ ବ୍ୟୁରୋ : ଜୁଲାଇ ୬ ତାରିଖରୁ ବିହାରରେ କୋଭିଡ କଟକଣା କୋହଳ କରାଯିବ । ଏନେଇ ସୂଚନା ଦେଇଛନ୍ତି ବିହାର ମୁଖ୍ୟମନ୍ତ୍ରୀ ନୀତିଶ କୁମାର । କମୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ନୀତିଶ କୁମାର ଏନେଇ ଏକ ସମୀକ୍ଷା ବୈଠକ କରିଥିଲେ । ବୈଠକ ପରେ ନୀତିଶ କୁମାର ଦେଇଥିବା ସୂଚନା ମୁତାବକ ଆସନ୍ତା କାଲି (ଜୁଲାଇ ୬) ଠାରୁ କିଛିମାତ୍ରାରେ ସରକାରୀ ଓ ବେସରକାରୀ କାର୍ଯ୍ୟାଳୟ ଖୋଲିବାକୁ ନିଷ୍ପତି ନିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ଏବେ ରାଜ୍ୟରେ ବିଶ୍ୱ ବିଦ୍ୟାଳୟ, ସବୁ କଲେଜ, ଟେକ୍ନିକାଲ ଶିକ୍ଷା ସଂସ୍ଥା, ସରକାରୀ ଟ୍ରେନିଂ ସେଣ୍ଟର ଯୁକ୍ତ ଦୁଇ ବିଦ୍ୟାଳୟ ୫୦ ପ୍ରତିଶତ ଛାତ୍ର ଛାତ୍ରୀଙ୍କୁ ନେଇ ଚାଲିବ । ଏହାସହ ଶିକ୍ଷାନୁଷ୍ଠାନ ମାନଙ୍କରେ ଛାତ୍ର ଛାତ୍ରୀ, ଶିକ୍ଷକ ଓ କର୍ମଚାରୀଙ୍କ ପାଇଁ ସ୍ୱତନ୍ତ୍ର ଟିକାକରଣ ବ୍ୟବସ୍ଥା ହେବ ବୋଲି କୁହାଯାଇଛି । ଏହାସହ ରେଷ୍ଟୁରାଣ୍ଟ ଓ ହୋଟେଲଗୁଡିକୁ ମୋଟ କ୍ଷମତାର ୫୦ ପ୍ରତିଶତ କର୍ମଚାରୀ ଓ ଗ୍ରାହକଙ୍କୁ ନେଇ ଖୋଲାଯାଇପାରିବ ।
Govt & pvt offices are permitted to resume work normally. COVID vaccinated persons permitted to enter offices. Educational institutions including Universities, schools for classes 11th&12th to reopen with 50% capacity. Restaurant & eateries to function with 50% capacity: Bihar CM pic.twitter.com/Xz4HE1GT6s
— ANI (@ANI) July 5, 2021
କହିରଖୁ କି ବିହାରରେ ଦୈନିକ କରୋନା ସଂକ୍ରମଣ ଲଗାତର ଭାବେ କମିବାରେ ଲାଗିଛି । ଏନେଇ ସୋମବାର ଦିନ ମୁଖ୍ୟମନ୍ତ୍ରୀ ନୀତିଶ କୁମାର ଏଭଳି ନିଷ୍ପତି ନେଇଛନ୍ତି । ଅନଲକ- ୪ ରେ ଶିକ୍ଷାନୁଷ୍ଠାନ ସହ ଆହୁରି ଅନେକ ଜିନିଷ ଖୋଲିବାକୁ ଅନୁମତି ଦେଇଛନ୍ତି । ରବିବାର ଦିନ ବିହାରରେ ମାତ୍ର ୧୦୯ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।
ରାଜ୍ୟରେ କରୋନା ସଂକ୍ରମଣକୁ ନେଇ ମୁଖ୍ୟମନ୍ତ୍ରୀ ନୀତିଶ କୁମାର ବାରମ୍ବାର କ୍ରାଇସେସ୍ ମ୍ୟାନେଜମେଣ୍ଟ ଗ୍ରୁପ ସହିତ ବୈଠକ କରୁଛନ୍ତି । ଏହି ସମୀକ୍ଷା ବୈଠକରେ ରାଜ୍ୟର କରୋନା ସ୍ଥିତିକୁ ନଜରରେ ରଖି ଧିରେ ଧିରେ କୋଭିଡ କଟକଣାକୁ କୋହଳ କରାଯାଉଛି ।