ବିହାର ସିବାନ ହସ୍ପିଟାଲରେ ରୋଚକ ଦୃଶ୍ୟ, ଏକା ସାଙ୍ଗରେ ୫ ଶିଶୁଙ୍କୁ ଜନ୍ମଦେଲେ ମହିଳା
କନକ ବ୍ୟୁରୋ : ବିହାରର ସିବାନ ଠାରେ ଏକ ଅଜବ ଘଟଣା ଦେଖିବାକୁ ମିଳିଛି । ସିବାନ ସଦର ହସ୍ପିଟାଲରେ ଜଣେ ମହିଳା ଏକା ସାଙ୍ଗରେ ୫ ଟି ଶିଶୁ ଜନ୍ମ ଦେଇଛନ୍ତି । ଏହି ୫ ନବଜାତ ଶିଶୁଙ୍କ ମଧ୍ୟରୁ ୨ ଟି ପୁତ୍ର ଓ ୩ ଟି କନ୍ୟା ସନ୍ତାନ ରହିଛନ୍ତି । ଏଭଳି ପ୍ରସବ ପରେ ପିଲାମାନଙ୍କର ସୁରକ୍ଷାକୁ ଦୃଷ୍ଟିରେ ରଖି ସେମାନଙ୍କୁ ଜିଲ୍ଲା ହସ୍ପିଟାଲକୁ ସ୍ଥାନାନ୍ତର କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସିବାନ ନଗର ଥାନା ଅଞ୍ଚଳ ସ୍ମାଇଲ ସହିଦ ତାକିଆ ସ୍ଥିତ ୱାର୍ଡ ନଂ ୧୮ ରେ ରହୁଥିବା ମହମ୍ମଦ ଝୁନାଙ୍କ ପତ୍ନୀ ଫଉଜାହାଁ ଗର୍ଭବତୀ ଥିଲେ । ତାଙ୍କର ଡେଲିଭରୀ ସମୟ ହେବାରୁ ତାଙ୍କୁ ସିବାନ ସଦର ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଗୁରୁବାର ଦ୍ୱିପ୍ରହରେ ଫୁଲଜାହାଁଙ୍କ ଅପରେଶନ କରାଯାଇଥିଲା । ଏହି ଅପରେଶନରେ ଫଲଜାହାଁ ୫ ଟି ଶିଶୁ ଜନ୍ମ ଦେଇଥିଲେ ।
ଅପରେଶନ ପରେ ମହିଳାଙ୍କ ସ୍ୱାସ୍ଥ୍ୟାବସ୍ଥା ଠିକ୍ ଥିବାକଥା କହିଛନ୍ତି ଚିକିତ୍ସା କରୁଥିବା ଡାକ୍ତର । ହେଲେ ନବଜାତକ ମାନଙ୍କୁ ନେଇ ଡାକ୍ତରମାନେ କିଛି କହିନାହାଁନ୍ତି ।