ଏମିତି ଲାଲୁ, ନୀତିଶଙ୍କ ସହ କଲେ ବଡ ଖେଳ... କାହିଁକି ନୀତିଶ କହିଲେ ମୁଁ ହେବି ନାହିଁ ମେଣ୍ଟର ସଂଯୋଜକ

କନକ ବ୍ୟୁରୋ: ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଗତ ମାସରେ ୨୦୨୪ ସାଧାରଣ ନିର୍ବାଚନକୁ ନେଇ ବିରୋଧୀଙ୍କ ଏକତାକୁ ମଜବୁତ କରିଛନ୍ତି । ବର୍ତ୍ତମାନ ସେ ଖୋଲାଖୋଲି କହିଛନ୍ତି ଯେ ସେ ଇଣ୍ଡିଆ ମେଣ୍ଟର ସଂଯୋଜକ ହେବାକୁ ଚାହୁଁନାହାନ୍ତି । ନୀତିଶ ସୋମବାର ସ୍ପଷ୍ଟ କରିଛନ୍ତି ଯେ ବିରୋଧୀ ମହାମେଣ୍ଟର ସଂଯୋଜକ ହେବାକୁ ତାଙ୍କର ଇଚ୍ଛା ନାହିଁ । ଏହା ପରେ ରାଜନୈତିକ ପାଣିପାଗ ସରଗରମ ହୋଇଛି । ଚର୍ଚ୍ଚା ଏହା ହେଉଛି ଯେ ଆରଜେଡି ସୁପ୍ରିମୋ କଂଗ୍ରେସ ସହ ମିଶି ନୀତିଶ କୁମାରଙ୍କ ସଂଯୋଜକ ହେବା ଏବଂ ପ୍ରଧାନମନ୍ତ୍ରୀ ପଦ ପାଇଁ ଦାବି ଉପରେ ରୋକ ଲଗାଇଦେଇଛନ୍ତି ।

ଗତ କିଛି ଦିନ ଧରି କଂଗ୍ରେସର ବରିଷ୍ଠ ନେତାଙ୍କ ବୟାନ ଉପରେ ଯଦି ନଜର ପକାଇବା ତେବେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଏବଂ ଛତିଶଗଡର ମୁଖ୍ୟମନ୍ତ୍ରୀ ଭୂପେଶ ବଘେଲ ପ୍ରଧାନମନ୍ତ୍ରୀ ପଦ ପାଇଁ ରାହୁଲଙ୍କ ନାଁ କୁ ସାମ୍ନାକୁ ଆଣିଥିଲେ । ପାଟନାରେ ଯେତେବେଳେ ବିରୋଧୀ ଦଳର ବୈଠକ ପ୍ରଥମ ଥର ପାଇଁ ହୋଇଥିଲା ସେତେବେଳେ ଇସାରା ଇସାରାରେ ରାହୁଲ ଗାନ୍ଧୀଙ୍କର ବିବାହର କଥା କହିଥିଲେ । ସେତେବେଳେ ଲାଲୁଙ୍କ କଥାକୁ ସମସ୍ତେ ହସରେ ଉଡାଇ ଦେଇଥିଲେ । ତେବେ ଏହି କଥାରେ ବଡ ସନ୍ଦେଶ ଲୁଚିରହିଥିଲା । ସେ ପ୍ରଧାନମନ୍ତ୍ରୀ ପଦ ପାଇଁ ରାହୁଲ ଗାନ୍ଧୀଙ୍କ ନାଁକୁ ଇସାର କରିଥିବା ଆଲୋଚନା ହେଉଛି ।