କନକ ବ୍ୟୁରୋ : ଭାରତୀୟ ରାଜନୀତିରେ ମହମ୍ମଦ ଅଲୀ ଜିନ୍ନାଙ୍କ ଗୁଣଗାନ ଥମିବାରେ ନାଁ ନେଉନି । ୟୁପିରେ ଅଖିଳେଶ ଯାଦବ ଓ ଓମପ୍ରକାଶ ରାଜଭରଙ୍କ ପରେ ଏବେ ବିହାର ଜେଡିୟୁ ନେତା ଖାଲିଦ ଅନୱର ବି ଜିନ୍ନାଙ୍କ ଗୁଣଗାନ କରିବାକୁ ପଛାଇ ନାହାଁନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିହାର ବିଧାନ ପରିଷଦର ଏମଏଏସି ତଥା ଜେଡିୟୁର ବରିଷ୍ଠ ନେତା ଖାଲଦ ଅନୱାର କହିଛନ୍ତି କି ‘ଜିନ୍ନା ଜଣେ ମହାନ ସ୍ୱାଧୀନତା ସଂଗ୍ରାମୀ ଥିଲେ, ସେ ଦେଶର ସ୍ୱାଧୀନତା ପାଇଁ ଅନେକ ସଂଘର୍ଷ କରିଛନ୍ତି , ହେଲେ ସେ ସ୍ୱାଧୀନତା ପରେ ପାକିସ୍ତାନ ନିର୍ମାଣ କରିଥିବାରୁ ତାଙ୍କୁ ନେଇ ଚାଲିଥିବା ଆଲୋଚନା ଠିକ ନୁହେଁ’
କେବଳ ସେତିକି ନୁହେଁ ଅନୱାର କହିଛନ୍ତି ଯେ ସ୍ୱାଧୀନତା ସଂଗ୍ରାମରେ ଜିନ୍ନାଙ୍କ ସଂଘର୍ଷକୁ ନେଇ ଏହା ଜେଡିୟୁର ସ୍ପଷ୍ଟମତ । ଏହାସହ ଅନୱାର କଂଗ୍ରେସକୁ ଟାର୍ଗେଟ କରି କହିଛନ୍ତି କି ଆତଙ୍କବାଦଙ୍କୁ ଭିନ୍ନ ଭିନ୍ନ ଚଷାମାରେ ଦେଖବାର ଫଳ ହେଉଛି ଦେଶ ବିଭାଜନ । କେବଳ ଜିନ୍ନା ନୁହଁନ୍ତି ଦେଶ ବିଭାଜନ ପାଇଁ ଅନୱାର କଂଗ୍ରେସକୁ ବି ଦାୟୀ । ଏହାସହ ପ୍ରଧାନମନ୍ତ୍ରୀ ହେବା ପାଇଁ ନେହେରୁ ଦେଶ ବିଭାଜନକୁ ପ୍ରୋତ୍ସାହିତ କରିଥିଲେ ବୋଲି ଅନୱାର କହିଛନ୍ତି ।
ଆତଙ୍କବାଦକୁ ନେଇ ଅନୱାର କହିଛନ୍ତି “ଆତଙ୍କବାଦର କୌଣସି ରଙ୍ଗ ନାହିଁ,ହେଲେ କେବଳ କଂଗ୍ରେସ କାରଣରୁ ଦେଶ ବିଭାଜିତ ହୋଇଥିଲା । ଭାରତ ବିଭାଜନରେ ଯେତିକି ଭୂମିକା ଜିନ୍ନାଙ୍କର ଥିଲା ସେତିକି ଭୂମିକା ବି କଂଗ୍ରେସର ଥିଲା ”
ଅନୱାରଙ୍କର ଏଭଳି ମନ୍ତବ୍ୟକୁ ବିରୋଧ କରିଛି ବିହାର ବିଜେପି । ବିହାର ସରକାରେ ମନ୍ତ୍ରୀଥିବା ସମ୍ରାଟ ଚୌଧୁରୀ କହିଛନ୍ତି କି ଯେଉଁମାନେ ଜିନ୍ନାଙ୍କ ପ୍ରଶଂସା କରୁଛନ୍ତି ସେମାନଙ୍କ ପାଇଁ ପାକିସ୍ତାନର ଦ୍ୱାର ଖୋଲା ରହିଛି । ଏହାସହ ଯେଉଁମାନେ ଭାରତରେ ରହିବାକୁ ଚାହୁଁଛନ୍ତି ସେମାନେ ଭାରତ ମାତା ଓ ମହାତ୍ମା ଗାନ୍ଧୀଙ୍କ ଜୟଗାନ କରିବାକୁ ପଡିବ ।