ବିହାରରେ ନରେନ୍ଦ୍ର ମୋଦୀ, ନୀତିଶ କୁମାର ଓ ତେଜସ୍ୱୀ ଯାଦବଙ୍କ ପାଇଁ ବଡ଼ ପରୀକ୍ଷା : କୋଭିଡ ସମୟରେ କାହାକୁ ବାଛିବେ ଜନତା, ତା’ ଉପରେ ସମସ୍ତଙ୍କ ନଜର
ଆଉ କିଛି ସମୟର ଅପେକ୍ଷା
କନକ ବ୍ୟୁରୋ : ବିହାର ବିଧାନସଭା ପାଇଁ ଆଜି ଭୋଟ ଗଣତି କରାଯିବ । କିଏ ବିହାରର ବିଗବସ ହେବ ସେନେଇ ନିଷ୍ପତି ହେବ । ବୁଥ ବାହୁଡା ମତରେ ତେଜସ୍ୱୀ ଯାଦବଙ୍କ ମହାଗଠବନ୍ଧନ ବହୁମତ ପାଇବା ନେଇ ପୂର୍ବାନୁମାନ କରାଯାଇଛି । ତେବେ ଆଜି ଅସଲି ଫଳାଫଳ ସାମ୍ନାକୁ ଆସିବ । ବିହାର ବିଧାନସଭା ନିର୍ବାଚନ ଅନେକ ଦୃଷ୍ଟିରୁ ବେଶ ଗୁରୁତ୍ୱପୂର୍ଣ୍ଣ ।
Kanak News is now on WhatsApp
Join and get latest news updates delivered to you via WhatsApp
ଯଦି ବୁଥ ବାହୁଡା ମତର ପୂର୍ବାନୁମାନ ସତ ହୁଏ, ତେବେ ଏନଡିଏକୁ ଶକ୍ତ ଝଟକା ଲାଗିବ ଏବଂ ୩୧ ବର୍ଷର ଯୁବକ ତେଜସ୍ୱୀ ଯାଦବଙ୍କ ନିଯୁକ୍ତିର ନାରା ଅନ୍ୟ ପ୍ରଦେଶରେ ମଧ୍ୟ ପ୍ରସଙ୍ଗ ବନିବା ପାଇଁ ପ୍ରେରଣା ଦେବ । ଆଉ ସବୁଠୁ ବଡ଼ କଥା ହେଉଛି, ମୋଦୀ ସରକାରଙ୍କ କରୋନା ପରିଚାଳନାକୁ ବିହାରବାସୀ କିପରି ଗ୍ରହଣ କରିଛନ୍ତି, ତା’ର ମଧ୍ୟ ହିସାବ ନିକାଶ ହେବ । କାରଣ ଲକ୍ଡାଉନ୍ କଟକଣା ବେଳେ ବିହାରର ଲକ୍ଷ ଲକ୍ଷ ଦାଦନ ଶ୍ରମିକ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଥିଲେ ।