କରୋନାରେ ପ୍ରାଣ ହରାଇଲେ ବିହାର ମୁଖ୍ୟ ସଚିବ ଅରୁଣ କୁମାର ସିଂ । ପାଟନା ସ୍ଥିତ ପାରସ ହସ୍ପିଟାଲରେ ଚାଲିଥିଲା ଚିକିତ୍ସା
କନକ ବ୍ୟୁରୋ : କରୋନା କାଳରେ ସାଧାରଣ ଲୋକଙ୍କ ଠାରୁ ଆରମ୍ଭ କରି ଉଚ୍ଚପଦସ୍ଥ ଅଧିକାରୀ, ସେଲିବ୍ରେଟି କେତେ କେତେ ଲୋକଙ୍କ ଜୀବନ ଆକାଳରେ ଚାଲିଯାଉଛି । ପୂର୍ବ ଆଟର୍ଣ୍ଣିକଙ୍କ ମୃତ୍ୟୁପରେ ଗୋଟିଏ ଦିନରେ ପୁଣି ଆସିଛି ଆଉ ଏକ ଦୁଖଦ ଖବର । ବିହାର ସରକାରଙ୍କ ମୁଖ୍ୟ ସଚିବ ଥିବା ଅରୁଣ କୁମାର ସିଂଙ୍କର କରୋନା ସଂକ୍ରମଣରେ ମୃତ୍ୟୁ ହୋଇଛି । ସେ କରୋନା ସଂକ୍ରମିତ ହେବା ପରେ ପାଟନା ସ୍ଥିତ ପାରସ୍ ହସ୍ପିଟାଲରେ ଚିକିତ୍ସିତ ହେଉଥିଲେ । କହିରଖୁ କି ଦୀପକ କୁମାରଙ୍କ ଅବସର ପରେ ତାଙ୍କୁ ଚଳିତବର୍ଷ ଫେବୃଆରୀ ମାସରେ ବିହାର ସରକାର ମୁଖ୍ୟ ସଚିବ ଭାବେ ନିଯୁକ୍ତ କରିଥିଲେ । ଅନ୍ୟପଟେ ତାଙ୍କ ମୃତ୍ୟୁ ଖବର ଆସିବା ପରେ ବିହାର କ୍ୟାବିନେଟ ବୈଠକରେ ତାଙ୍କ ମୃତ୍ୟୁକୁ ନେଇ ଶୋକ ପ୍ରକାଶ କରାଯାଇଛି । ବିଧାନପରିଷଦର ସଭାପତି ଅବଧେସ୍ ନାରାୟଣ ସିଂ ବି ଅରୁଣଙ୍କ ମୃତୁ ଖବର ପାଇ ଗଭୀର ଶୋକ ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୧୯୮୫ ବ୍ୟଚର ଭାରତୀୟ ପ୍ରଶାସନିକ ସେବା ଅଧିକାରୀ ଅରୁଣ କୁମାର ସିଂ ଙ୍କ ମୃତ୍ୟୁ ଖବର ପାଇ ରାଜ୍ୟର ବିଭିନ୍ନ ଦଳର ନେତାମାନେ ଶୋକ ପ୍ରକାଶ କରିଛନ୍ତି ।