ଗତମାସରେ ଉଦଘାଟନ ହୋଇଥିଲା ବିହାରର ସତାରଘାଟ ମହାସେତୁ : ବନ୍ୟା ଭାଙ୍ଗିଦେଲା ୨୬୪ କୋଟି ଟଙ୍କାର ପୋଲ । ୨ ଟି ଜିଲ୍ଲାରୁ ସଂଯୋଗ ଚ୍ଛିନ୍ନ ।
ଗତ ମାସରେ ୨୬୪ କୋଟି ଟଙ୍କା ବ୍ୟୟରେ ନିର୍ମିତ ହୋଇଥିବା ବିହାରର ଗୋପାଳଗଞ୍ଜ ସତାରଘାଟ ମହାସେତୁ ଧ୍ୱସଂ ହୋଇଯାଇଛି । ବିହାରରେ ଲଗାତାର ବର୍ଷା ଏବଂ ବନ୍ୟା କାରଣରୁ ବୁଧବାର ଭାଙ୍ଗିଯାଇଛି ଏହି ମହାସେତୁ । ପୋଲି ଭାଙ୍ଗି ଯିବା ସହ ଚମ୍ପାରଣ ତିରହୁତ୍ ଏବଂ ସାରଣ୍ ର ଅନେକ ଜିଲ୍ଲା ସଙ୍ଗେ ଏବେ ବିହାରର ସଂପର୍କ ଭାଙ୍ଗିଯାଇଛି । ଜୁନ୍ ୧୬ ତାରିଖରେ ମୁଖ୍ୟମନ୍ତ୍ରୀ ନିତିଶ୍ କୁମାର୍ ପାଟଣାରୁ ଭିଡ଼ିଓ କନଫରେନ୍ସ ଜରିଆରେ ଏହି ମହାସେତୁର ଉଦଘାଟନ କରିଥିଲେ । ଗୋପାଳଗଞ୍ଜକୁ ଚମ୍ପାରଣ୍ ଏବଂ ତିରହୁତ୍ ଭଳି ଜିଲ୍ଲା ସହ ସଂଯୋଗ କରୁଥିବା ଏହା ପ୍ରମୁଖ ସେତୁ ଥିଲା । ଯାହାର ନିର୍ମାଣରେ ୨୬୪ କୋଟି ଟଙ୍କା ଖର୍ଚ୍ଚ ହୋଇଥିଲା । ଗୋପାଳଗଞ୍ଜ ଗଣ୍ଡରୁ ୩ ଲକ୍ଷରୁ ଅଧିକ କ୍ୟୁସେଟ୍ ଜଳ ପ୍ରଭାବିତ ହେବାର ଥିଲା । ଗଣ୍ଡକର ଏତେ ବଡ଼ ଜଳସ୍ତରରୁ ଜଳ ପ୍ରଭାବିତ ହେବା ଫଳରେ ମହାସେତୁର ରୋଡ଼୍ ଭାଙ୍ଗିଗଲା । ବୈକୁଣ୍ଠପୁରର ଫେଜୁଲ୍ଲାପୁରରେ ଏହି ପୋଲ ଭାଙ୍ଗିଛି । ଭଙ୍ଗା ପୋଲକୁ ଦେଖିବା ପାଇଁ ଉକ୍ତ ସ୍ଥାନରେ ଲୋକଙ୍କ ଗହଳି ଜମିଛି । କୋଭିଡ଼୍ ସାଙ୍ଗକୁ ଏଭଳି ପ୍ରାକୃତିକ ବିପର୍ଯ୍ୟୟ ବିହାରବାସୀଙ୍କ ପାଇଁ ବୋଝ ଉପରେ ନଳିତା ବିଡ଼ା ସଦୃଶ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବିଜେପି ବିଧାୟକ ମିଥିଲେଶ୍ ତିୱାରୀ ଏହି ମାମଲାର ଜାଞ୍ଚ୍ କରିବା ପାଇଁ ବିହାର ପଥନିର୍ମାଣ ମନ୍ତ୍ରୀ ନନ୍ଦକିଶୋର ଯାଦବକୁ ଦାୟିତ୍ୱ ଦେଇଛନ୍ତି । ୨୦୧୨ ରେ ଆରମ୍ଭ ହୋଇଥିବା ଏହି ପୋଲର ନିର୍ମାଣ ବିହାର ପୋଲ ନିର୍ମାଣ ବିଭାଗ ଦ୍ୱାରା କରାଯାଇଥିଲା । ଜୁନ୍ ୧୬ ତାରିଖରେ ଏହି ମହାସେତୁର ଉଦଘାଟନ କରାଯାଇଥିଲା ।