କନକ ବ୍ୟୁରୋ : ମୁଜାଫରପୁର ଜିଲ୍ଲା ଟାଉନ ଥାନାରେ ସଚିନଙ୍କ ଫ୍ୟାନ ଭାବେ ପରିଚିତ ସୁଧୀର କୁମାରଙ୍କୁ ଜଣେ ପୋଲିସକର୍ମୀ ମାଡ ମାରିଥିବା ଅଭିଯୋଗ ହୋଇଛି । ସୁଧୀରଙ୍କ ଅଭିଯୋଗ ପରେ ମାମଲାକୁ ନେଇ ଟାଉନଥାନା ପୋଲିସ ତନାଘନା ଆରମ୍ଭ କରିଛି । ଏନେଇ ପୋଲିସ ଏଏସପି ଜୟନ୍ତ କାନ୍ତ ମାମଲାର ଯାଂଚ ପାଇଁ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ସୁଧୀର କୁମାର କହିଛନ୍ତି କି ସେ ଟାଉନ ଥାନାକୁ ଏକ ମାମଲାରେ ଯାଇଥିବା ବେଳେ ଜଣେ ହାବିଲଦାର ତାଙ୍କୁ ଗାଳି ଦେଇଥିଲେ । କେବଳ ଗାଳି ନୁହେଁ ତାଙ୍କୁ ଗୋଇଠା ମାରିବା ସହ ଥାନାରୁ ବାହାର କରିଦେଇଥିଲେ । ଏଭଳି ଘଟଣା ପରେ ସଂପୃକ୍ତ ହାବିଲଦାରଙ୍କ ନାମରେ ସୁଧୀର ଅଭିଯୋଗ କରିଛନ୍ତି ।
ସୂଚନା ମୁତାବକ ଗୁରୁବାର ରାତିରେ ସୁଧୀରଙ୍କ ସଂପର୍କୀୟ ଭାଇ କିଶନଙ୍କୁ କୌଣସି ଏକ ମାମଲାରେ ପୋଲିସ ଗିରଫ କରିଥିଲା । ଏନେଇ ଖବର ପାଇବା ପରେ ସୁଧୀର ଘଟଣା ବାବଦରେ ଜାଣିବାକୁ ସୁଧୀର ମୁଜାଫରପୁର ଜିଲ୍ଲା ଟାଉନ ଥାନାରେ ପହଂଚିଥିଲେ । ଏନେଇ ତାଙ୍କ ଭାଇଙ୍କୁ କେଉଁ ଅଭିଯୋଗରେ ଗିରଫ କରାଯାଇଛି ବୋଲି ସେ ହାବିଲଦାରଙ୍କୁ ପଚାରିଥିଲେ । ଏହାପରେ ହାବିଲଦାର ଜଣଙ୍କ ସୁଧୀରଙ୍କୁ ଗାଳି ଗୁଲଜ କରିବା ସହ ଗୋଡରେ ମାଡ ମାରିଥିଲେ ।
କହିରଖୁ କି ଯେଉଁ ଥାନାରେ ସୁଧୀରଙ୍କ ଉପରେ ମାଡ ହୋଇଛି, କିଛିଦିନ ତଳେ ସୁଧୀର ସେହି ଥାନାର ଉଦଘାଟନ କରିଥିଲେ । ଜଣେ ସେଲିବ୍ରେଟି ଭାବେ ସୁଧୀର ଯେଉଁ ଥାନାକୁ ଫିତାକାଟି ଉଦଘାଟନ କରିଥିଲେ ଏବେ ସେହି ଥାନାରେ ତାଙ୍କୁ ମାଡ ହେବା ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି ।