ଏ ହେଉଛି ଦୁନିଆର ସବୁଠାରୁ ବଡ ପରିବାର ! ୧୦୦ଟି ରୁମରେ ରୁହନ୍ତି ୧୮୧ ଜଣ ସଦସ୍ୟ ।
ଗୋଟେ ପରିବାରରେ ଅତି ବେସିରେ ୧୦ ରୁ ୧୫ ଜଣ ରହିଥାନ୍ତି । ଗୋଟେ ଛୋଟ ପରିବାରରେ ଅତି ବେସିରେ ୫ ଜଣ ଲୋକ ରହୁଥିବା ବେଳେ ଗୋଟେ ବଡ ପରିବାରରେ ୧୦ ରୁ ୧୫ ଜଣ ସଦସ୍ୟ ରହିଥାନ୍ତି । କିନ୍ତୁ ଆଜି ଆମେ ଆପଣଙ୍କୁ ଏପରି ଏକ ପରିବାର ବିଷୟରେ କହିବାକୁ ଯାଉଛୁ ଯେଉଁ ପରିବାରରେ ୧୮୧ ଜଣ ସଦସ୍ୟ ରହିଛନ୍ତି । ଏହି ପରିବାର କୌଣସି ଅନ୍ୟ ଦେଶର ନୁହଁନ୍ତି ଏହି ପରିବାର ଆମ ଦେଶ ଭାରତରେ ହିଁ ବାସ କରନ୍ତି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ଖବର ଅନୁଯାୟୀ, ମିଜୋରାମ ଏକ ପହାଡି ଅଞ୍ଚଳରେ ଥିବା ବଟବଙ୍ଗ ଗାଁରେ ଏକ ପରିବାର ବାସ କରନ୍ତି । ଏହି ପରିବାରରେ ୧୮୧ ଜଣ ସଦସ୍ୟ ରୁହନ୍ତି । ପରିବାରର ମୁଖିଆ ହେଉଛନ୍ତି ଜିଓନା ଚାନା । ସେ ତାଙ୍କ ୩୯ ପତ୍ନୀ, ୯୪ ଜଣ ପିଲା, ୧୪ ଜଣ ବୋହୁ ଏବଂ ୩୩ ନାତି ନାତୁଣିଙ୍କ ସହ ଗୋଟିଏ ଘରେ ରୁହନ୍ତି । ଜିଓନା ତାଙ୍କ ବଡ ପୁଅଙ୍କ ସହ ମିଶି ବଢେଇ କାମ କରନ୍ତି । ବଢେଇ କାମରୁ ଢେର ସାରା ଟଙ୍କା ରୋଜଗାର କରି ସେ ତାଙ୍କ ପରିବାରର ଭରଣ ପୋଷଣ କରନ୍ତି । କେବଳ ସେତିକି ନୁହେଁ ଜିଓନା ତାଙ୍କ ପରିବାର ପାଇଁ ଏକ ବଡ ମହଲ ନିର୍ମାଣ କରିଛନ୍ତି । ଯେଉଁଥିରେ ପ୍ରାୟ ୧୦୦ଟି ରୁମ ରହିଛି । ଏଥିସହିତ ଗୋଟିଏ ବଡ କିଚେନ ରୁମ ମଧ୍ୟ ରହିଛି । ସବୁଠାରୁ ବଡ କଥା ହେଉଛି ଜିଓନାଙ୍କ ପରିବାର ଲୋକଙ୍କ ମଧ୍ୟରେ ଏକତା ଏବଂ ଭଲପାଇବା ପରିବାରକୁ ପରସ୍ପର ସହ ବାନ୍ଧିକି ରଖିଛି । ପରିବାରରେ ଯାହା କିଛିବି କାମ ଥାଏ ସମସ୍ତେ ମିଳିମିଶି କାମକୁ ତୁଲାଇଥାନ୍ତି । ଯାହା ଫଳରେ ପରସ୍ପର ମଧ୍ୟରେ ଏକତା ବଜାଇ ରହିଥାଏ ।