ସୁଶାନ୍ତ ସିଂ ମୃତ୍ୟୁ ମାମଲା । ଡ୍ରଗ୍ସ କାରବାରରେ ରିୟା ଚକ୍ରବର୍ତ୍ତୀଙ୍କ ଭୁବନେଶ୍ୱର ଲିଙ୍କ୍ ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା । ୨୦୧୭ରେ ଓଡିଶା ଆସିଥିଲେ ରିୟା ।
କନକ ବ୍ୟୁରୋ: ଭୁବନେଶ୍ୱରରେ ସୁଶାନ୍ତ ସିଂ ରାଜପୁତଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତି । ଭିଭୋ ଆଇପିଏଲ୍ ଟ୍ରଫି ଭୁବନେଶ୍ୱର ଆସିଥିବା ସମୟର ପ୍ରାୟ ୩ ବର୍ଷ ତଳର ଏହି ଦୃଶ୍ୟ ପୁଣି ଚର୍ଚାକୁ ଆସିଛି । ଆଉ ସେହି ଚର୍ଚା ହେଉଛି ରିୟା ଚକ୍ରବର୍ତିଙ୍କ ଭୁବନେଶ୍ୱର ଲିଙ୍କ୍ । ସୁଶାନ୍ତ ସିଂ ରାଜପୁତ୍ ମୃତ୍ୟୁ ମାମଲାରେ ଗର୍ଲଫ୍ରେଣ୍ଡ ରିୟାଙ୍କୁ ନେଇ ସାମ୍ନାକୁ ଆସିଛି ନୂଆ ତଥ୍ୟ । ସାମ୍ନାକୁ ଆସିଛି ଡ୍ରଗ୍ସ କାରବାର ଓ ରିୟାଙ୍କ ଭୁବନେଶ୍ୱର ଲିଙ୍କ୍ । ତାଙ୍କର କିଛି ଡିଲିଟେଡ୍ ହ୍ୱାଟ୍ସଆପ୍ ଚାଟକୁ ପୁନରୁଦ୍ଧାର ପରେ ଏହି ଘଟଣା ଆସିଛି ସାମ୍ନାକୁ । ସିମୋନ ଖମ୍ବାଟା ନାମକ ଜଣେ ଡ୍ରଗ୍ସ ମାଫିଆଙ୍କ ସହ ରିୟା ଚାଟିଂ ଗତ ମାର୍ଚ ୧୬ ତାରିଖରେ କରିଥିଲେ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମ ଟାଇମ୍ସ ନାଓରେ ପ୍ରକାଶିତ ରିପୋର୍ଟ ଅନୁସାରେ, ସିମୋନ ପ୍ରଥମେ ରିୟାଙ୍କୁ ଏକ ଅଡିଓ ଫାଇଲ ପଠାଇଥିଲେ । ରିୟା ଏହାର ଉତରରେ ଇଂରାଜୀରେ ଲେଖିଥିଲେ, ଡୁଡ୍, ଭୁବନେଶ୍ୱର ଇଜ ଇନ ଦ ସିନ । ଏହାର ଅର୍ଥ ହେଲା ଭୁବନେଶ୍ୱରରେ ଏଣିକି ସବୁ କିଛି ଘଟୁଛି । ଉତରରେ ସିମୋନ ପଚାରିଥିଲେ, ଆର ୟୁ ଇନ ଭୁବନେଶ୍ୱର । ଅର୍ଥାତ ତୁମେ ଭୁବନେଶ୍ୱରରେ ଅଛ କି । ରିୟା ଏହାର ଉତର ଦେଇଥିଲେ ୟେସ । ଅର୍ଥାତ ହଁ । ଯଦି ଏହି ମେସେଜ ସତ ହୋଇଥାଏ ତାହାହେଲେ ରିୟା କାହିଁକି ଆସିଥିଲେ ଭୁବନେଶ୍ୱର । ଆଉ ଯଦି ଆସିଥିଲେ କାହା କାହା ପାଖକୁ ଆସୁଥିଲେ । ସେପଟେ ଘଟଣା ନେଇ ସିବିଆଇ ଚାହିଁଲେ ତଦନ୍ତରେ ସହାୟତା କରିବ ବୋଲି କହିଛି ଓଡିଶା ପୋଲିସ ।
ତେବେ ଏଠାରେ ପ୍ରଶ୍ନ ଉଠୁଛି ରିୟାଙ୍କ ଭୁବନେଶ୍ୱର କନେକସନ୍ ପଛର ସତ କଣ । ଏହି ଚାଟିଂ ଯଦି ସତ ହୋଇଥାଏ , ତେବେ ପ୍୍ରଶ୍ନ ଉଠୁଛି ଭୁବନେଶ୍ୱର ଆସି ଚାଟିଂ କରିଥିବା ଡ୍ରଗ୍ସ ମାଫିଆଙ୍କ ସହିତ ତାଙ୍କର ସଂପର୍କ କଣ । ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାର ତଦନ୍ତ ଚାଲିଥିବା ବେଳେ ରିୟାଙ୍କ ଏହି ଡ୍ରଗ୍ସ ଓ ଭୁବନେଶ୍ୱର ଲିଙ୍କ୍ ଆଗକୁ ଆସିପାରେ ତଦନ୍ତ ଘେରକୁ ।
ଡ୍ରଗ୍ସ ମାଫିଆଙ୍କ ସହ ରିୟାଙ୍କ ହ୍ୱାଟସ୍ ଆପ୍ ଚାଟ୍ ଗତ ବର୍ଷ ମାର୍ଚ ୧୬ ତାରିଖର ବୋଲି ଜଣାପଡିଛି । ଡ୍ରଗ୍ସ ମାଫିଆଙ୍କ ସହ ମୋବାଇଲ ଚାଟିଂ ନେଇ ତଥ୍ୟ ସାମ୍ନାକୁ ଆସିବା ପରେ ରିୟାଙ୍କ ବିରୋଧରେ ମାମଲା ରୁଜ୍ଜୁ କରିଛି ନାରକୋଟିକ୍ସ କଂଟ୍ରୋଲ ବ୍ୟୁରୋ ।