ଭୁବନେଶ୍ୱର କ୍ରିକେଟ୍ ଆସୋସିଏସନରେ ବଡ଼ କେଳେଙ୍କାରୀ ! କୋଚଙ୍କ ନାଁରେ ପକ୍ଷପାତିତା ଅଭିଯୋଗ , ପ୍ରତିଭାବାନ ଖେଳାଳିଙ୍କୁ ମିଳୁନି ସୁଯୋଗ

କନକ ବ୍ୟୁରୋ: ଭୁବନେଶ୍ୱର କ୍ରିକେଟ ଆସୋସିଏସନରେ କେଳେଙ୍କାରୀ ନେଇ ହୋଇଛି ଅଭିଯୋଗ । ଖେଳାଳି ଚୟନରେ କୋଚ୍ ପକ୍ଷପାତିତା କରୁଥିବା ଅଭିଯୋଗ ଆଣିଛନ୍ତି ଚୂଡାନ୍ତ ଏକାଦଶରୁ ବାଦ ପଡ଼ିଥିବା ଜଣେ ଖେଳାଳିଙ୍କ ମା’ । କଟକ ସନସାଇନ ପଡ଼ିଆରେ ଆଜି ୧୯ ବର୍ଷରୁ କମ ବୟସ ବର୍ଗର ମ୍ୟାଚ୍ ଚାଲିଥିବା ବେଳେ ଜଣେ ଖେଳାଳିଙ୍କ ମା’ ହଙ୍ଗାମା କରିଥିଲେ । ଭୁବନେଶ୍ୱର କ୍ରିକେଟ ଆସୋସିଏସନର କୋଚ ବିବିସିସି ମହାପାତ୍ରଙ୍କ ପକ୍ଷପାତିତା ଯୋଗୁଁ ତାଙ୍କ ପୁଅ ଆୟୁଷ ଭୁବନେଶ୍ୱର-ଏ ଟିମର ଚୂଡାନ୍ତ ଏକାଦଶରୁ ବାଦ ପଡିଥିବା ଅଭିଯୋଗ ଆଣିଥିଲେ । ଟିମର ଚୂଡାନ୍ତ ଏକାଦଶରୁ ବାଦ ପଡ଼ିଥିବାରୁ ପୁଅ ଆୟୁଷ ମାନସିକ ଭାରସାମ୍ୟ ହରାଇ ଆତ୍ମହତ୍ୟା ଉଦ୍ୟମ କରିଥିବା ସେ କହିଛନ୍ତି । ପୁଅର ମାନସିକ ଅବସ୍ଥା ଦେଖି ମାଆ ଲିଜା ଓ ବାପା ଦିବାକର ମହାନ୍ତି ସନସାଇନ ଗ୍ରାଉଣ୍ଡରେ ପହଞ୍ଚି ମ୍ୟାଚ ଚାଲିଥିବା ବେଳେ କୋଚଙ୍କୁ ବିରୋଧ କରି ହଙ୍ଗାମା କରିଥିଲେ ।

କୋଚଙ୍କ ଉପରେ କାର୍ୟ୍ୟାନୁଷ୍ଠାନ ଦାବିରେ ରୋଜାଲିନ ପିଚ୍ ଉପରେ ବସିଯାଇ ଧାରଣା ଦେଇଥିଲେ । ହେଲେ ଦୁଃଖର  କଥା ଲିଜାଙ୍କୁ କଟକ ଜୁଭେନାଇଲ ସଦସ୍ୟ, ଓସିଏ ପ୍ୟାନେଲ ଆମ୍ପାୟର ମାଡ ମାରିଛନ୍ତି ।  ଏନେଇ ପୁରୀଘାଟ ଥାନାରେ ଏତଲା ଦେଇଛନ୍ତି ଲିଜା ମହାନ୍ତି ।