କନକ ବ୍ୟୁରୋ : ମହାରାଷ୍ଟ୍ର ସରକାରରେ ମନ୍ତ୍ରୀଥିବା ନୱାବ ମଲ୍ଲିକ ଆଜି ଏନସିବିର ଜୋନାଲ ଡାଇରେକ୍ଟର ସମୀର ୱାଙ୍ଖେଡଙ୍କ ନିକହା ଓ ନିକହାନାମାର ଫଟୋ ଜାରି କରି ପୁଣି ସମୀରଙ୍କ ଉପରେ ଆକ୍ରମଣ କରିଛନ୍ତି । ନୱାବ ମଲ୍ଲିକ ଦାବି କରିଛନ୍ତି କି ନିକହାନାମାରେ ସମୀରଙ୍କ ନାମ ସମୀର ଦାଓଦ ୱାଙ୍ଖଡେ ରହିଛି । ଅନ୍ୟପଟେ ଏହି ପ୍ରମାଣକୁ ଆହୁରି ଦୃଢ କରିଛନ୍ତି ସମୀରଙ୍କ ନିକହା କରାଇଥିବା ମୌଲାନା ମୁଜମ୍ମିଲ ଅହମ୍ମଦ । ସେ ଏକ ଜାତୀୟ ଗଣମାଧ୍ୟମକୁ କହିଛନ୍ତି କି “ମୁଁ ସମୀର ୱାଙ୍ଖେଡଙ୍କ ନିକହା କରାଇଥିଲି ଓ ସେତେବେଳେ ସମୀରଙ୍କ ପୁରା ପରିବାର ମୁସଲମାନ ଥିଲେ” ଏହା ପୂର୍ବର ସମୀରଙ୍କ ପତ୍ନୀ କ୍ରାନ୍ତି ଦାବି କରିଥିଲେ କି ସମୀର ଜନ୍ମରୁ ହିଁ ହିନ୍ଦୁ ଅଟନ୍ତି ।
Kanak News is now on WhatsApp
Join and get latest news updates delivered to you via WhatsApp
ନିକହା କରାଇଥିବା ମୌଲାନା ମୁଜମ୍ମିଲ ଅହମ୍ମଦ କହିଛନ୍ତି କି “ମୁଁ ହିଁ ନିକହା ପଢାଇବାକୁ ଯାଇଥିଲି, ଯଦି ସମୀର ହିନ୍ଦୁ ହୋଇଥାନ୍ତେ ତେବେ ନିକହା କିଭଳି ହୋଇଥାନ୍ତା, ଖୁସିର ସହିତ ନିକହା ହୋଇଥିଲା ଓ ସେତେବେଳେ ସେଠାରେ ଉପସ୍ଥିତ ଥିବା ସମସ୍ତେ ମୁସଲିମ୍ ଥିଲେ,” କେବଳ ସେତିକି ନୁହେଁ ନିକହା କରାଇଥିବା ମୌଲାନା ଦାବି କରିଛନ୍ତି କି ସମୀର ମିଛ କହୁଛନ୍ତି । ସେ ନିକହା କରିବା ପରେ ଦସ୍ତଖତ କରିଥିଲେ ଓ ନିକହାର ପଞ୍ଜିକରଣ ଫର୍ମରେ ସାକ୍ଷୀଙ୍କ ହସ୍ତାକ୍ଷର ବି ରହିଛି ।
କହିରଖୁ କି ଆଜି ମହାରାଷ୍ଟ୍ର ସରକାରରେ ମନ୍ତ୍ରୀଥିବା ନୱାବ ମଲ୍ଲିକ ଏକ ନୂଆ ଟ୍ୱିଟ୍ କରିଛନ୍ତି । ଏହି ଟ୍ୱିଟରେ ନୱାବ ସମୀରଙ୍କ ପ୍ରଥମ ବାହାଘରର ନିକହାନାମା ସାମିଲ କରିଛନ୍ତି । ନୱାବ ଦାବି କରିଛନ୍ତି କି ନିକହାନାମାରେ ସମୀରଙ୍କ ପୁରା ନାମ ସମୀର ଦାଓଦ ୱାଙ୍ଖେଡ ଲେଖା ହୋଇଛି । ନୱାବ ଦାବି କରିଛନ୍ତି କି ୨୦୦୬ ଡିସେମ୍ବର ୭ ତାରିଖ ରାତି ୮ ଟାରେ ସମୀର ଶାବନା କ୍ୟୁରେସୀଙ୍କ ମଧ୍ୟରେ ବିବାହ ହୋଇଥିଲା । ଏହି ବାହାଘର ମୁମ୍ବାଇର ଅନେ୍ଧରୀ (ପଶ୍ଚିମ) ଲୋଖଣ୍ଡୱାଲା କମ୍ପେ୍ଲକ୍ସରେ ହୋଇଥିଲା । ଯଦି ଏହା ପ୍ରମାଣିତ ହୋଇଯାଏ ତେବେ ସମୀରଙ୍କ ପାଇଁ ଅଡୁଆ ବଢିବ ।
ଅନ୍ୟପଟେ ନୱାବ ମଲ୍ଲିକଙ୍କ ଏଭଳି ଖୁଲାସାକୁ ନେଇ ସମୀରଙ୍କ ଦ୍ୱିତୀୟ ପତ୍ନୀ କ୍ରାନ୍ତି ରେଡକର କହିଛନ୍ତି କି ଏହା ସମ୍ପୂର୍ଣ୍ଣ ମିଥ୍ୟା ଅଟେ । ସେ କହିଛନ୍ତି କି ସମୀର ଓ ମୁଁ ଜନ୍ମରୁ ହିନ୍ଦୁ ଅଟୁ , ଆମେ କେବେ ବି ଧର୍ମ ପରିବର୍ତ୍ତନ କରିନାହୁଁ । ଆମେ ସବୁ ଧର୍ମକୁ ସମ୍ମାନ କରୁ । ଏହାସହ କ୍ରାନ୍ତି ଏକଥା ବି ମାନିଛନ୍ତି କି ସମୀରଙ୍କ ବାପା ହିନ୍ଦୁ ଓ ମା’ ମୁସଲିମ୍ ଥିଲେ ।