ସୋସିଆଲମିଡିଆରେ ଟ୍ରୋଲ ହେଲେ ଭୁବନେଶ୍ୱର କୁମାର: ରାଗି ଯାଇ ସମାଲୋଚକଙ୍କ ପାଟି ଚୁପ୍ କଲେ ସ୍ତ୍ରୀ
କନକ ବ୍ୟୁରୋ: ଅଷ୍ଟ୍ରେଲିଆ ବିପକ୍ଷ ଟି-୨୦ରେ ଭାରତର ପରାଜୟ ପରେ ଏବେ ସୋସିଆଲ ମିଡିଆରେ ସମାଲୋଚନାର ଶିକାର ହୋଇଛନ୍ତି ଭୁବନେଶ୍ୱର କୁମାର । ୧୯ତମ ଓଭରରେ ଲଗାତାର ଖରାପ ପ୍ରଦର୍ଶନ ଯୋଗୁଁ ତାଙ୍କୁ କ୍ରିକେଟପ୍ରେମୀମାନେ ଟ୍ରୋଲ କରିଛନ୍ତି । ଭୁବନେଶ୍ୱର କୁମାର ଟ୍ରୋଲ ହେବା ପରେ ଏବେ ତାଙ୍କ ସ୍ତ୍ରୀ ସାମ୍ନାକୁ ଆସିଛନ୍ତି । ଆଉ ସମାଲୋଚକଙ୍କୁ କଡା ଜବାବ ଦେଇ ନିଜ କାମ ନିଜେ କରିବାକୁ ପରାର୍ଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର କୁମାରଙ୍କ ପତ୍ନୀ ନୂପୁର ନାଗର ନିଜ ଇନଷ୍ଟାଗ୍ରାମ ଷ୍ଟୋରୀରେ ଲେଖିଛନ୍ତି, ଲୋକଙ୍କ ପାଖରେ ଫାଲତୁର ସମୟ ବହୁତ ଅଛି । ଲୋକମାନେ ଏବେ ଅଯୋଗ୍ୟ ହେଇ ବସି ରହୁଛନ୍ତି । ସେଥିପାଇଁ ସେମାନଙ୍କ ପାଖରେ ଘୃଣା ସୃଷ୍ଟି କରିବା ଛଡା ଆଉ କିଛି କାମ ନାହିଁ । ଏହାସହ ସେ ସମାଲୋଚକଙ୍କୁ ପରାମର୍ଶ ଦେଇ କହିଛନ୍ତି ଏହି ସମୟ ନିଜକୁ ଉତ୍ତମ କରିବାକୁ ଲଗାନ୍ତୁ, କାରଣ ଏହାର ସୁଯୋଗ କମ ରହିଛି ।
ଟି-୨୦ରେ ଟିମ ଇଣ୍ଡିଆର ପ୍ରଦର୍ଶନ ଏବେ ଦଳକୁ ଚିନ୍ତାରେ ପକାଇଛି । ୧୯ତମ ଓଭର ଯୋଗୁଁ ଦଳ ପରାଜୟ ଭୋଗୁଛି । ଗତ ୪ଟି ଟି-୨୦ ମ୍ୟାଚରୁ ୩ଟି ମ୍ୟାଚ କେବଳ ୧୯ତମ ଓଭର ପାଇଁ ହିଁ ଭାରତ ହାରିଛି । ଆଉ ଏହି ୧୯ତମ ଓଭର ପକାଉଛନ୍ତି ଭୁବନେଶ୍ୱର କୁମାର । ଏଥିପାଇଁ ଭୁବନେଶ୍ୱର କୁମାର ସୋସିଆଲ ମିଡିଆରେ ଟ୍ରୋଲ ହୋଇଛନ୍ତି ।
ଏସିଆକପରେ ପାକିସ୍ତାନ ବିପକ୍ଷରେ ଭାରତ ସୁପର-୪ ମ୍ୟାଚରେ ପରାଜିତ ହୋଇଥିଲା । ଯାହାର କାରଣ ଥିଲା ୧୯ତମ ଓଭର । ଏହି ଓଭରରେ ଭୁବନେଶ୍ୱର କୁମାର ୧୯ ରନ ଦେଇଥିଲେ । ଫଳରେ ଭାରତ ପରାଜୟର ସାମ୍ନା କରିଥିଲା । ସେହିପରି ଶ୍ରୀଲଙ୍କା ବିପକ୍ଷରେ ବି ୧୯ତମ ଓଭରରେ ଭୁବନେଶ୍ୱର ୧୪ ରନ ଦେଇଥିଲେ । ଆଉ ଏବେ ଅଷ୍ଟ୍ରେଲିଆ ବିପକ୍ଷରେ ଭାରତ ସେହି ୧୯ତମ ଓଭରରେ ହିଁ ହାରିଛି । ଭୁବନେଶ୍ୱର କୁମାର ଏହି ଓଭରରେ ୧୬ ରନ ଦେଇ ମହଙ୍ଗା ସାବ୍ୟସ୍ତ ହୋଇଥିଲେ ।
ତେବେ ଏହି ସବୁ ମ୍ୟାଚରେ ଗୋଟିଏ କାରଣ ଯୋଗୁଁ ଭାରତର ପରାଜୟ ପାଇଁ ଫ୍ୟାନମାନେ ଭୁବନେଶ୍ୱରଙ୍କୁ ଟ୍ରୋଲ କରିଛନ୍ତି । ତେଣୁ ଏବେ ସ୍ୱାମୀଙ୍କ ସପକ୍ଷରେ ବାହାରି ସମାଲୋଚକଙ୍କୁ ଜବାବ ଦେଇଛନ୍ତି ଭୁବନେଶ୍ୱରଙ୍କ ପତ୍ନୀ ନୂପୁର ନାଗର ।