ପ୍ରିୟଙ୍କା ଗାନ୍ଧୀ ରହୁଥିବା ଗେଷ୍ଟ ହାଉସ ବାହାରେ ଉଡୁଥିବା ଡ୍ରୋନ୍ କାହାର? ଟ୍ୱିଟ୍ କରି ପ୍ରଶ୍ନ ଉଠାଇଲେ ଛତିଶଗଡ ମୁଖ୍ୟମନ୍ତ୍ରୀ ।
କନକ ବ୍ୟୁରୋ: ଉତ୍ତରପ୍ରଦେଶ ଲକ୍ଷ୍ମୀପୁର ଘଟଣାକୁ ନେଇ ଏବେ ଉତ୍ତରପ୍ରଦେଶ ରାଜନୀତି ସରଗରମ ରହିଛି । ବିରୋଧୀମାନେ ଏହି ଘଟଣାକୁ ନେଇ ଏବେ ବିଜେପିକୁ ଜୋରଦାର ଟାର୍ଗେଟ କରୁଥିବା ବେଳେ, ୟୁପି ପୋଲିସ ଦ୍ୱାରା ଗିରଫ ହୋଇଛନ୍ତି କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ । ଅନ୍ୟପଟେ ଏହି ଘଟଣା ଉପରେ ଏବେ ମୁହଁ ଖୋଲିଛନ୍ତି ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବାଘେଲ ।
Kanak News is now on WhatsApp
Join and get latest news updates delivered to you via WhatsApp
30 घंटे से अधिक से हिरासत में रखी गई प्रियंका गांधी जी के कमरे के ऊपर ये ड्रोन किसका है और क्यों है?
जवाब कौन देगा? pic.twitter.com/pyWDtXgjIe
— Bhupesh Baghel (@bhupeshbaghel) October 5, 2021
ବର୍ତ୍ତମାନ ପ୍ରିୟଙ୍କା ଗାନ୍ଧୀଙ୍କୁ ରଖାଯାଇଥିବା ଗେଷ୍ଟ ହାଉସ ବାହାରେ ଉଡୁଥିବା ଡ୍ରୋନ୍ କାହାର ବୋଲି ସେ ପ୍ରଶ୍ନ କରିଛନ୍ତି । ଗତ ୩୦ ଘଣ୍ଟା ହେଲା ପ୍ରିୟଙ୍କା ଗାନ୍ଧୀ ଗେଷ୍ଟ ହାଉସରେ ଅଛନ୍ତି, ହେଲେ ଏହି ଘର ଉପରେ ଡ୍ରୋନ୍ ଉଡୁଥିବାର ଭିଡିଓ ପୋଷ୍ଟ କରି ପ୍ରଶ୍ନ ଉଠାଇଛନ୍ତି ଭୂପେଶ ବାଘେଲ । ତେବେ ଭୂପେଶ ବାଘେଲ ସେୟାର କରିଥିବା ଭିଡିଓରେ ଏକ ଡ୍ରୋନ୍ ଉଡୁଥିବାର ଦେଖିବାକୁ ମିଳୁଛି । କୁହାଯାଉଛି, ପ୍ରିୟଙ୍କା ଗାନ୍ଧୀ ରହିଥିବା ଗେଷ୍ଟ ହାଉସ ବାହାରେ ଏହି ଡ୍ରୋନ୍ ଉଡୁଛି ।
— Priyanka Gandhi Vadra (@priyankagandhi) October 5, 2021
ଅନ୍ୟପଟେ ପ୍ରିୟଙ୍କା ଗାନ୍ଧୀ ମଧ୍ୟ ଗେଷ୍ଟ ହାଉସରୁ ଏକ ଟ୍ୱିଟ୍ କରିଛନ୍ତି । ଯେଉଁଥିରେ ସେ କହୁଛନ୍ତି, ପ୍ରଧାନମନ୍ତ୍ରୀ ଆଜି ଅମୃତ ମହୋତ୍ସବ ପାଳନ କରିବାକୁ ୟୁପି ଆସୁଛନ୍ତି । ହେଲେ ଏପର୍ଯ୍ୟନ୍ତ କାହିଁକି ଲକ୍ଷ୍ମୀପୁର ଘଟଣାରେ ସମ୍ପୃକ୍ତ ମନ୍ତ୍ରୀ ଓ ତାଙ୍କ ପୁଅଙ୍କ ଉପରେ କୌଣସି କାର୍ଯ୍ୟାନୁଷ୍ଠାନ ହୋଇନି? ତେବେ ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବାଘେଲ ଆଜି ଲକ୍ଷ୍ନୌରେ ପହଞ୍ଚିଛନ୍ତି । କୁହାଯାଉଛି, ସେ ସୀତାପୁରରେ ପ୍ରିୟଙ୍କାଙ୍କୁ ଭେଟିବା ସହିତ ଲକ୍ଷ୍ମୀପୁର ଯାଇପାରନ୍ତି ।