ଅଟକିଲା ଏକାମ୍ରକାନନ ଫାର୍ମର ଜମି ହସ୍ତାନ୍ତର ପ୍ରକ୍ରିୟା : ପୂର୍ବଭଳି ଜାରି ରହିବ ରକ୍ଷଣାବେକ୍ଷଣ କାମ, ଫାର୍ମ ସହକାରୀ ଉଦ୍ୟାନ କୃଷି ନିର୍ଦ୍ଦେଶକଙ୍କୁ ଚିଠି, ବିରୋଧ ପରେ ବଦଳିଲା ନିଷ୍ପତ୍ତି
କନକ ବ୍ୟୁରୋ : ଚାରିଆଡୁ ବିରୋଧ ପରେ ନିଷ୍ପତ୍ତି ବଦଳାଇଲେ ସରକାର । ଅଟକିଲା ଏକାମ୍ରକାନନ ଫାର୍ମ ଜମି ହସ୍ତାନ୍ତର ପ୍ରକ୍ରିୟା । ଏକାମ୍ରକାନନ ଫାର୍ମର ମୋଟ ୨୫ ଦଶମିକ ୯୬୭ ଏକର ଜମିରୁ ୨୦ ଦଶମିକ ୧୯୨ ଡେସିମିଲି ଜମି ହସ୍ତାନ୍ତର ପ୍ରକ୍ରିୟାକୁ ବର୍ତମାନ ପାଇଁ ସ୍ଥଗିତ ରଖାଯାଇଛି । ଫାର୍ମର ରକ୍ଷଣାବେକ୍ଷଣ କାମ ପୂର୍ବଭଳି ନିଷ୍ପତ୍ତି ହୋଇଛି । ଏନେଇ ଏକାମ୍ରକାନନକ ସହକାରୀ ଉଦ୍ୟାନ କୃଷି ନିର୍ଦ୍ଦେଶକଙ୍କୁ ଚିଠି ଲେଖିଛନ୍ତି ଉଦ୍ୟାନ କୃଷି ବିଭାଗ ନିର୍ଦ୍ଦେଶକ ।
Kanak News is now on WhatsApp
Join and get latest news updates delivered to you via WhatsApp
ଏକାମ୍ରକାନନ ଫାର୍ମର ୨୦ ଦଶମିକ ୧୯୨ ଏକର ଜମି ସାଧାରଣ ପ୍ରଶାସନ ବିଭାଗକୁ ହସ୍ତାନ୍ତର କରିବାକୁ ସେପେଟମ୍ବର ମାସରେ ଫାର୍ମର ସହକାରୀ ନିର୍ଦ୍ଦେଶକଙ୍କୁ ଚିଠି ଲେଖାଯାଇଥିଲା । ଏହାକୁ ନେଇ ଚାରିଆଡୁ ବିରୋଧ ପ୍ରଦର୍ଶନ କରାଯାଇଥିଲା । ଆନ୍ଦୋଳନ କରିବାକୁ ବିରୋଧୀ ଦଳ ଚେତାବନୀ ଦେଇଥିଲେ । ଏପରିକି ଏ ନେଇ ହାଇକୋର୍ଟରେ ଜନସ୍ୱାର୍ଥ ମାମଲା ବି ଦାୟର ହୋଇଥିଲା । ଏହାପରେ ନିଷ୍ପତ୍ତି ବଦଳାଇଛନ୍ତି ସରକାର ।
ରାଜଧାନୀର ମଧ୍ୟଭାଗରେ ସବୁଜିମାରେ ଭରିରହିଥିବା ଏକାମ୍ରକାନନ ଫାର୍ମ ସହ ପୂର୍ବର୍ତନ ମୁଖ୍ୟମନ୍ତ୍ରୀ ଜାନକୀବଲ୍ଲଭ ପଟ୍ଟନାୟକ ଓ ବିଜୁ ପଟ୍ଟନାୟକଙ୍କ ଅନେକ ସ୍ମୃତି ରହିଛି । ଦୁଇ ପୂର୍ବତନ ମୁଖ୍ୟମନ୍ତ୍ରୀ ଏଠାକୁ ଅନେକ ଥର ଆସୁଥିଲେ । କିନ୍ତୁ ଗତ କିଛି ବର୍ଷ ମଧ୍ୟରେ ଏହି ଫାର୍ମର ଜମିକୁ ରାସ୍ତା ସଂପ୍ରସାରଣ ଓ ମାର୍କେଟ କମ୍ପେ୍ଲକ୍ସ ପାଇଁ ଅଧିଗ୍ରହଣ କରାଯାଇଥିଲା । ଏହାକୁ ବିଭିନ୍ନ ମହଳରୁ ବିରୋଧ ହେବା ପରେ ନିଷ୍ପତି ବଦଳାଇଛନ୍ତି ସରକାର ।