ଦୀପାବଳି ରାତିରେ ଅମରେଶ ନାୟକ ହତ୍ୟାକାଣ୍ଡ ମାମଲା: ୨ ଅଭିଯୁକ୍ତଙ୍କୁ ଗିରଫ କଲା କମିସନରେଟ ପୁଲିସ

କନକ ବ୍ୟୁରୋ: ଭୁବନେଶ୍ୱର ଏୟାରଫିଲ୍ଡ ଥାନା ଅଂଚଳରେ ଦୀପାବଳି ରାତିରେ ଘଟିଥିବା ଅମରେଶ ନାୟକ ହତ୍ୟାକାଣ୍ଡର ଦୁଇଜଣ ଅଭିଯୁକ୍ତ ଗିରଫ ହୋଇଥିବା ସୂଚନା ମିଳିଛି । ଭୁୁବନେଶ୍ୱର ବାହାରୁ ଏହି ଦୁଇଜଣଙ୍କୁ ଗିରଫ କରିଛି କମିଶନରେଟ ପୋଲିସ । ଏମାନେ ଦୁଇଜଣ ହେଲେ ରାଘବ ଓ ଜଗଦୀଶ । ଦୀପାବଳି ରାତିରେ ଏମାନେ ହତ୍ୟାକାଣ୍ଡ ଘଟାଇ ରାଜ୍ୟ ବାହାରକୁ ଚାଲିଯାଇଥିଲେ । ସ୍ପେଶାଲ ସ୍କାର୍ଡ ଟିମ୍ ଛାନଭିନ କଲା ପରେ ରାଘବ ଓ ଜଗଦୀଶ ଗିରଫ କରିଛନ୍ତି ।

ଦୀପାବଳି ରାତିରେ ବାଣଫୁଟାକୁ ନେଇ ଗଣ୍ଡଗୋଳରୁ ଅମରେଶ ନାୟକଙ୍କୁ ହତ୍ୟା କରାଯାଇଥିଲା । ଅମରେଶଙ୍କୁ ସଂଘବଦ୍ଧ ଆକ୍ରମଣ ହୋଇଥିଲା । ଏୟାରଫିଲ୍ଡ ଥାନା ପଛପଟେ ଏକାମ୍ର କଲେଜକୁ ସଂଯୋଗ କରୁଥିବା ମୁଖ୍ୟ ରାସ୍ତାରେ ଘଟିଥିଲା ଏହି ହତ୍ୟାକାଣ୍ଡ । ରାସ୍ତା ଉପରେ ଅମରେଶଙ୍କୁ ପିଟିପିଟି ମାରି ଦେଇଥିବା ଅଭିଯୋଗ ହୋଇଥିଲା । ଅମରେଶଙ୍କ ଘର ବିଡିଏ ହାଉସିଂବୋର୍ଡ କପିଳ ପ୍ରସାଦରେ ।