ବାରଣାସୀକୁ ଉଡିଲା ଦ୍ୱିତୀୟ ବିମାନ । ଇଣ୍ଡିଗୋ ପକ୍ଷରୁ ଆରମ୍ଭ ହେଲା ସେବା, ପ୍ରଥମ ଉଡାଣରେ ବାରଣାସୀରୁ ରାଜଧାନୀକୁ ଆସିଲେ ୪୫ ଯାତ୍ରୀ
କନକ ବ୍ୟୁରୋ : ଭୁବନେଶ୍ୱରରୁ ବାରଣାସୀ ଉଡିଲା ଦ୍ୱିତୀୟ ବିମାନ । ୱାଟର କ୍ୟାନନ ସହ ବାରଣାସୀରୁ ଆସିଥିବା ବିମାନକୁ ସ୍ୱାଗତ କଲା ଭୁବନେଶ୍ୱର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦର । ଏହା ସହିତ ଇଣ୍ଡିଗୋ ପକ୍ଷରୁ ଭୁବନେଶ୍ୱରରୁ ବାରଣାସୀ ବିମାନ ସେବା ଆରମ୍ଭ ହୋଇଯାଇଛି । ପୂର୍ବରୁ ଏୟାର ଇଣ୍ଡିଆ ଏହି ରୁଟରେ ବିମାନ ସେବା ଯୋଗାଇ ଦେଉଥିଲା । ଏବେ ଏଥିରେ ସାମିଲ ହୋଇଛି ଇଣ୍ଡିଗୋ । ଇଣ୍ଡିଗୋ ପକ୍ଷରୁ ଏକ ୭୨ ଆସନ ବିଶିଷ୍ଟ ବିମାନ ଏହି ରୁଟରେ ଉଡାଣ କରୁଛି ।
Kanak News is now on WhatsApp
Join and get latest news updates delivered to you via WhatsApp
ବିମାନଟି ସଂଧ୍ୟା ୭ଟା ୩୫ରେ ବାରଣାସୀରୁ ବାହାରି ରାତି ୯ଟା ୨୫ରେ ଭୁବନେଶ୍ୱରରେ ପହଁଚିବ ।ସେହିପରି ଏଠାରୁ ରାତି ୯ଟା ୪୫ରେ ବାହାରି ରାତି ୧୧ଟା ୪୦ ମିନିଟରେ ବାରଣାସୀରେ ଅବତରଣ କରିବ । ଏହି ବିମାନଟି ପ୍ରତିଦିନ ଉଡାଣ କରିବ । ପ୍ରଥମ ଦିନରେ ବାରଣାସୀରୁ ୪୫ ଜଣ ଯାତ୍ରୀଙ୍କୁ ନେଇ ଏହା ଭୁବନେଶ୍ୱର ଆସିଥିବା ବେଳେ ୪୫ ଜଣ ଯାତ୍ରୀଙ୍କୁ ନେଇ ପୁଣି ବାରଣାସୀ ଗସ୍ତ କରିଛି ।