ଭୟଙ୍କର ବିସ୍ଫୋରଣରେ ଥରି ଉଠିଲା ରାଜଧାନୀ: ରାଜଭବନ ନିକଟରେ ଥିବା ପେଟ୍ରୋଲ ପମ୍ପରେ ବଡ ଧରଣର ଅଗ୍ନିକାଣ୍ଡ; ଦୁର୍ଘଟଣା ସମୟରେ ଟାଙ୍କିରେ ୫୦ରୁ ଅଧିକ ଲୋକ ରହିଥିବା ସୂଚନା, ୨ ଗୁରୁତରଙ୍କୁ ମେଡିକାଲରେ ଭର୍ତ୍ତି
କନକ ବ୍ୟୁରୋ: ଭୟଙ୍କର ବିସ୍ଫୋରଣରେ ଥରିଲା ରାଜଧାନୀ । ଭୁନେଶ୍ୱରରେ ଏକ ପେଟ୍ରୋଲ ପମ୍ପରେ ଭୟଙ୍କର ଅଗ୍ନିକାଣ୍ଡ ଘଟି ଜଳିପୋଡି ପାଉଁଶ ହୋଇଯାଇଛି ସଂପୂର୍ଣ୍ଣ ତେଲ ଟାଙ୍କି । ତେବେ ରାଜଭବନ ନିକଟ ଇଣ୍ଡିଆନ୍ ଅଏଲ ପେଟ୍ରୋଲ ଟାଙ୍କିରେ ନିଆଁ ଲାଗିବା ପରେ ଜୋରଦାର ବିସ୍ଫୋରଣ ହୋଇଛି । ବିସ୍ଫୋରଣ ଏତେ ବଡ ଥିଲା କି ନିଆଁ ଲାଗିବା ପରେ ପ୍ରଚଣ୍ଡ ଶବ୍ଦ କରି ଆକାଶକୁ ଉଡିଯାଇଥିଲା ଟାଙ୍କି । ଏଥିରେ ତେଲ ଟାଙ୍କି ତଥା ଏହାର ଆଖପାଖ ଅଂଚଳ କ୍ଷତିଗ୍ରସ୍ତ ହୋଇଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଏପଟେ ଘଟଣା ସ୍ଥଳରେ ନିଆଁ ଲିଭାଇବାକୁ ଅଗ୍ନିଶମ ବିଭାଗର ୪ରୁ ଅଧିକ ଟିମ୍ ପହଂଚି ନିଆଁକୁ ଆୟତ କରିବାକୁ ଉଦ୍ୟମ ଜାରି ରଖିଥିବା ନେଇ ପ୍ରାଥମିକ ସୂଚନାରୁ ଜଣାପଡିଛି । ତେବେ ନିଆଁ ଲାଗିବାରୁ କାରଣ ବର୍ତ୍ତମାନ ସୁଦ୍ଧା ଅସ୍ପଷ୍ଟ ରହିଥିବା ବେଳେ କେତେଜଣ ମୃତାହତ ହୋଇଛନ୍ତି ସେନେଇ କୌଣସି ସ୍ପଷ୍ଟ ସୂଚନା ମିଳିପାରି ନାହିଁ । ସେପଟେ ନିଆଁ ଏତେ ଭୟଙ୍କର ରହିଥିଲା ଯେ ପ୍ରାୟ ୫ କିଲୋମିଟର ଦୂରରୁ ଆକାଶକୁ ନିଆଁ ଉଠୁଥିବାର ଦେଖିବାକୁ ମିଳିଥିଲା ।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ ନିଆଁ କେମିତି ଲାଗିଲା ଜଣାପଡିନାହିଁ । କିନ୍ତୁ ହଠାତ୍ ଜୋରଜାର ବିସ୍ଫୋରଣରେ ଥରି ଉଠିଥିଲା ସାରା ଅଂଚଳ । ପ୍ରାୟ ୩ କିଲୋମିଟର ଦୂରତା ଯାଏଁ ଏହି ବିସ୍ଫୋରଣର ଝଟକା ଅନୁଭବ ହୋଇଥିବା କୁହାଯାଉଛି । ଭୟଙ୍କର ବିସ୍ଫୋରଣ ପରେ ପରେ ପେଟ୍ରୋଲ ପମ୍ପ ଅଂଚଳରେ ନିଆଁ ଜଳି ଉଠିଥିଲା । ସୂଚନା ପାଇ ପୋଲିସ ଓ ଦମକଳ ବାହିନୀ ପହଁଚି ସ୍ଥିତିକୁ ନିୟନ୍ତ୍ରଣ କରିବାକୁ ଉଦ୍ୟମ କରୁଛନ୍ତି । ରାଜଭବନ ନିକଟ ଇଣ୍ଡିଆନ୍ ଅଏଲ ପେଟ୍ରୋଲ ପମ୍ପକୁ ସଂଯୋଗ କରୁଥିବା ସମସ୍ତ ରାସ୍ତାକୁ ସିଲ୍ କରିଛି କମିଶନରେଟ୍ ପୋଲିସ । ପେଟ୍ରୋଲ ପମ୍ପ ଅଂଚଳକୁ ସିଲ୍ କରି ନିଆଁ ଲିଭାଇବା ଉଦ୍ୟମ ଚାଲିଛି ।
ଅନ୍ୟପଟେ, ଭୁନେଶ୍ୱରର େ ଯଉଁ ଅଂଚଲରେ ଏହି ଅଗ୍ନିକାଣ୍ଡ ଘଟିଛି । ସେଠାରେ ମୋଟ୍ ୩ଟି ଟାଙ୍କି ରହିଛି ତେବେ ଯେଉଁ ଟାଙ୍କିରେ ଏହି ବିସ୍ଫୋରଣ ହୋଇ ତାହା ସଂପୂର୍ଣ୍ଣ ନଷ୍ଟ ହୋଇଯାଇଥିବା ଭୁବନେଶ୍ୱର ଡିସିପି ସୁଧାଂଶୁ ଷଡଙ୍ଗୀ ସୁଚନା ଦେଇଛନ୍ତି । ଦୁର୍ଘଟଣା ଘଟିବା ସମୟରେ ଟାଙ୍କିରେ ପ୍ରାୟ ୫୦ରୁ ଅଧିକ ଲୋକ ରହିଥିବା ବେଳେ ବିସ୍ଫୋରଣରେ ୨ ଜଣ ବ୍ୟକ୍ତି ଗୁରୁତର ଭାବେ ଆହତ ହୋଇଥିବା ଜଣାପଡିଛି । ତେବେ ଦୁର୍ଘଟଣାକୁ ଏଡେଇବା ପାଇଁ ସଂପୂର୍ଣ୍ଣ ରାସ୍ତାକୁ ସିଲ୍ କରାଯିବା ସହ ଲୋକଙ୍କୁ ଯିବାକୁ ବାରଣ କରାଯାଇଛି ।