ପୂଜା ଭିଡ଼ରେ ଫସିଲା ଆମ୍ବୁଲାନ୍ସ । ବାଣୀବିହାରରୁ ରସୁଲଗଡ଼ ଅତିକ୍ରମ କରିବାକୁ ନାକେଦମ୍ ଆମ୍ବୁଲାନ୍ସ କର୍ମଚାରୀ ।

କନକ ବ୍ୟୁରୋ: ପୂଜା ଭିଡରେ ଫସିଲା ଆମ୍ବୁଲାନ୍ସ । ପୂଜାପାଇଁ ସବୁଠି ଖଚାଖଚ ଗହଳି ଲାଗିଥିବା ବେଳେ ଭିଡ ଭିତରେ ଯବା ଆସିବା ବି ମୁସ୍କିଲ ହୋଇପଡିଛି । ଆଉ ଏହି ଭିଡ ଭିତରେ ଅଟକି ରହିଛି ଆମ୍ବୁଲାନ୍ସ । ରୋଗୀଙ୍କୁ ନେଇ ଭୁବନେଶ୍ୱରରୁ କଟକ ଯାଉଥିବା ବେଳେ ଅଧା ରାସ୍ତାରେ ଆମ୍ବୁଲାନ୍ସ ଭିଡ ଭିତରେ ଫସିଯାଇଥିବା ଦେଖିବାକୁ ମିଳିଥିଲା । ବାଣୀବିହାରରୁ ଶହଶହ ଗାଡିି ଟ୍ରାଫିକ୍ ଜାମ୍ କରୁଥିବାରୁ ଆମ୍ବୁଲାନ୍ସ ବି ଅଟକି ଯାଉଛି । ତେବେ ଏହି ପୂଜା ଯୋଗୁ ଜାତୀୟ ରାଜପଥରୁ ନେଇ ସହର ଗଳିକନ୍ଦି ସବୁଠି ଭିଡ ଦେଖିବାକୁ ମିଳିଛି ।

ଖାଲି ଆମ୍ବୁଲାନ୍ସ ନୁହେଁ ଦଶହରା ଭିଡ଼ରେ ବି ଫସିଯାଉଛନ୍ତି ସାଧାରଣ ଲୋକେ । ରସୁଲଗଡ଼, ବମିଖାଲ, ଜୟଦେବ ବିହାର, କଳ୍ପନା ଛକ ଭଳି ପ୍ରମୂଖ ସ୍ଥାନରେ ଟ୍ରାଫିକ ନିୟନ୍ତ୍ରଣ ବେକାବୁ ହୋଇପଡ଼ିଛି ।