କ୍ୟାପିଟାଲ ହସ୍ପିଟାଲ ଭ୍ୟାକ୍ସିନ୍ ସେଣ୍ଟର ବୁଲି ଦେଖିଲେ ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ । କହିଲେ, ଟିକାକରଣରେ ନାହିଁ ସମସ୍ୟା, ଟିକାରେ ନାହିଁ ଅଭାବ ।
କନକ ବ୍ୟୁରୋ: ଭୁବନେଶ୍ୱରରେ କେମିତି ଚାଲିଛି ଟୀକାକରଣ? ବିଭିନ୍ନ ଟୀକାକେନ୍ଦ୍ର ବୁଲି ଦେଖିଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ । ଆଜି ସକାଳୁ ସକାଳୁ କ୍ୟାପିଟାଲ ହସ୍ପିଟାଲର ଟିକା କେନ୍ଦ୍ର ବୁଲି ଦେଖିଥିଲେ । କ୍ୟାପିଟାଲ ହସ୍ପିଟାଲର ତିନୋଟି ସ୍ଥାନରେ ଟିକା ଦିଆଯାଉଛି । ଏହାକୁ ବୁଲି ଦେଖିବା ପରେ ସନ୍ତୋଷ ପ୍ରକାଶ କରିଛନ୍ତି ଭୁବନେଶ୍ୱର ସାଂସଦ ।
Kanak News is now on WhatsApp
Join and get latest news updates delivered to you via WhatsApp
କ୍ୟାପିଟାଲ ହସ୍ପିଟାଲର ସବୁ ଟୀକା କେନ୍ଦ୍ରରେ ହେଉଥିବା ଟିକାକରଣରେ କୌଣସି ପ୍ରକାର ସମସ୍ୟା ନାହିଁ ବୋଲି କହିଛନ୍ତି ସାଂସଦ । ଦେଶରେ ବର୍ତ୍ତମାନ ସାଢେ ତିନି କୋଟିରୁ ଅଧିକ ଲୋକଙ୍କୁ ଟିକା ଦିଆଗଲାଣି । ଦେଶରେ ଟିକାର କୌଣସି ଅଭାବ ନାହିଁ, ଦେଶର କରୋନା ମୁକାବିଲା ପାଇଁ ମୋଦି ସରକାର ଟୀକାକରଣ ସୁବିଧା ଏବଂ ସୃଙ୍ଖଳିତ ହେଉ ବୋଲି ପ୍ରୟାସ ଜାରି ରଖିଥିବା ମତ ରଖିଛନ୍ତି ଭୁବନେଶ୍ୱର ସାଂସଦ ।