ମହାପ୍ରଭୁଙ୍କ ମୁରୁଜ ଚିତ୍ର ମାଡ଼ି ବିବାଦରେ ଭୁବନେଶ୍ୱର ସାଂସଦ : ଅପରାଜିତାଙ୍କ ବିରୋଧରେ ବାରିପଦା ଟାଉନ ଥାନାରେ ଏତଲା ଦେଲେ ସମାଜସେବୀ
ବଡ଼ ଠାକୁରଙ୍କ ଚିତ୍ରକୁ ପାଦରେ ମାଡ଼ି କୌଣସି ଅନୁତାପ କରିନଥିବା ଅଭିଯୋଗ
କନକ ବ୍ୟୁରୋ : ପୁଣି ବିବାଦରେ ଫଶିଯାଇଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ । ମହାପ୍ରଭୁଙ୍କ ମୁରୁଜରେ ପାଦ ଥୋଇ ବିବାଦଘେରକୁ ଆସିଛନ୍ତି ଅପରାଜିତା । ଗତକାଲି ନାଗାଜ୍ଜୁନ ବେଶ ଅବସରରେ ଦ୍ୱିତୀୟ ଶ୍ରୀକ୍ଷେତ୍ର ବାରିପଦାରେ ଭକ୍ତିମୟ ପରିବେଶ ସୃଷ୍ଟି ହୋଇଥିଲ । ବିଜେପି ସାଂସଦ ଅପରାଜିତା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଯାଉଥିବା ବେଳେ ମୁରୁଜରେ ଅଙ୍କାଯାଇଥିବା ଠାକୁରଙ୍କ ପ୍ରତିମାରେ ଚଢିଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସାଂସଦ ଚଢିବା ଦେଖି ସେଠାରେ ଥିବା ଲୋକେ ତାଙ୍କୁ ଅଟାକାଇଥିଲେ, ପରେ ଘଟଣାକୁ ନେଇ ଦୁଃଖ ପ୍ରକାଶ କରିନଥିଲେ ସାଂସଦ । ଏନେଇ ବାରିପଦା ଟାଉନ ଥାନାରେ ଏତଲା ଦେଇଛନ୍ତି ସମାଜସେବୀ ଅରୁଣ କୁମାର ବେହେରା । ସାଂସଦଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନେବାକୁ ସେ ଦାବି କରିଛନ୍ତି । ଏପରିକି ଘଟଣାକୁ ନେଇ ସେବାୟତ ମହାସଂଘର ସଭାପତି କାମେଶ୍ୱର ତ୍ରିପାଠୀ ମଧ୍ୟ କଡା ପ୍ରତିକ୍ରିୟା ଦେଇଛନ୍ତି ।