କନକ ବ୍ୟୁରୋ : ଗତକାଲି ସଂଧ୍ୟାରେ ରାଜଧାନୀର ଡେଲଟା ଅଂଚଳରୁ ଜଣେ ଯୁବକଙ୍କୁ ଅପହରଣ ଖବର ନେଇ ମୁହଁ ଖୋଲିଛି ନିଶା ମୁକ୍ତ କେନ୍ଦ୍ର ଜାଗୃତି ଫାଉଣ୍ଡେସନ । ଅପହରଣ କରାଯାଇଥିବା ଯୁବକଙ୍କ ନାଁ ଲିପୁ ନାୟକ ବୋଲି କୁହାଯାଇଛି । ସେ ବ୍ରାଉନସୁଗାର ନେଉଥିଲେ । ତେଣୁ ନିଶା ନିବାରଣ ପାଇଁ ଦୀର୍ଘ ଦିନ ଧରି ଜାଗୃତି ଫାଉଣ୍ଡେସନରେ ରହି ଚିକିତ୍ସିତ ହେଉଥିଲେ । ଗତ ଫେବ୍ରୁଆରୀ ମାସରୁ ସେ ଫେରାର ହୋଇ ଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ତାଙ୍କ ସମ୍ପର୍କରେ ଖବର ମିଳିବା ପରେ, ରାଜଧାନୀର ଡେଲଟା ଅଂଚଳରୁ ତାଙ୍କୁ ଉଦ୍ଧାର କରାଯାଇଥିବା ନେଇ, ନିଶାମୁକ୍ତ କେନ୍ଦ୍ର ଜାଗୃତି ଫାଉଣ୍ଡେସନ ପକ୍ଷରୁ କୁହାଯାଇଛି । ଗତକାଲି ଏହି ଖବର ଗଣମାଧ୍ୟମରେ ପ୍ରସାରିତ ହେବା ପରେ ଅପହରଣ ଖବରକୁ ଖଣ୍ଡନ କରିଥିଲେ ସିପି । ନିଶାମୁକ୍ତ କେନ୍ଦ୍ରରୁ ଖସି ଆସିଥିବା ଯୁବକଙ୍କୁ କାବୁ କରି କାରରେ ନିଆଯାଇଥିବା ବେଳେ, ତାଙ୍କୁ ଅପହରଣ କରାଯାଇଥିବା ସନ୍ଦେହ ହୋଇଥିଲା ।