କନକ ବ୍ୟୁରୋ: କଳିଙ୍ଗ ଷ୍ଟାଡ଼ିୟମରେ ଧୁମଧାମରେ ପାଳନ ହେଲା ହକି ବିଶ୍ୱକପ୍ ବର୍ଷକ ପୂର୍ତ୍ତି ଉତ୍ସବ । ଆଉ ଏହି ଅବସରରେ ରାଜ୍ୟ ସରକାରଙ୍କୁ ପ୍ରଶଂସା କରିବା ସହ ଭୁବନେଶ୍ୱରକୁ ପୁଣି ଥରେ ଭାରତର ସ୍ପୋର୍ଟ୍ସ ରାଜଧାନୀ ବୋଲି ବିବେଚନା କରିଛନ୍ତି ଏଫଆଇଏଚ୍ ସଭାପତି ନରିନ୍ଦର ବାତ୍ରା । ଏହି ଅବସରରେ ଅନ୍ତର୍ଜାତୀୟ ହକି ଫେଡେରେସନର ସଭାପତି ନରିନ୍ଦର ବାତ୍ରା କହିଛନ୍ତି, ହକି ପାଇଁ ଓଡ଼ିଶା ବିକାଶମୂଳକ କାମ କରୁଛି । ଭୁବନେଶ୍ୱର ଏବେ ଭାରତର କ୍ରୀଡ଼ାର ରାଜଧାନୀ ପାଲଟିଛି ।

Advertisment

ସବୁଠାରୁ ବଡ଼କଥା ହେଲା କି, ଆମେ ଏଠାରେ ୨୦୧୮ ହକି ବିଶ୍ୱକପ ଆୟୋଜନ କରି ଅଦ୍ଭୁତ ସଫଳତା ପାଇଛୁ । ଏହା ବିଶ୍ୱସ୍ତରରେ ଆଦରଣୀୟ ହୋଇପାରିଛି । ମୁଁ ଯଦିଓ ପଂଜାବୀ ତଥାପି ଓଡ଼ିଆରେ କହିବାକୁ ଚାହୁଁଛି । ମୁଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟରେ ଋଣୀ । ହକି ବିଶ୍ୱକପ୍ ହେଉ କିମ୍ବା ଭାଇଚାରା ଓଡ଼ିଶାବାସୀ ଯେଉଁ ଭଲ ପାଇବା ଦେଇଛନ୍ତି, ସେଥିପାଇଁ ଆମେ ଋଣୀ ବୋଲି କହିଛନ୍ତି ନରିନ୍ଦର ।