ଲକଡାଉନଠାରୁ ଆହୁରି କଠୋର ସଟଡାଉନ୍ କଟକଣା: ଆଗାମୀ ୪୮ ଘଂଟା ପର୍ଯ୍ୟନ୍ତ ଘରୁ ଗୋଡ କାଢିବା ମନା; ବନ୍ଦ ରହିବ ଦୋକାନ ବଜାର, ଖୋଲିବନି ସବୁ ଔଷଧ ଦୋକାନ

କନକ ବ୍ୟୁରୋ: ୪୮ ଘଂଟା ପାଇଁ ରାଜ୍ୟର ରାଜଧାନୀ ଭୁବନେଶ୍ୱର ଓ ଭଦ୍ରକ ସହର ସଟ୍ ଡାଉନ୍ ହେବ । ଲକ ଡାଉନ୍ ପାଳନ ହେଉଛି, ହେଲେ ଆଜି ସଂଧ୍ୟା ୮ଟାରୁ ଆସନ୍ତା ୫ ତାରିଖ ବା ରବିବାର ସଂଧ୍ୟା ୮ଟା ଯାଏଁ ସଟ୍ ଡାଉନ୍ ଅର୍ଥାତ୍ ଏକ ପ୍ରକାର କର୍ଫ୍ୟୁ ଲାଗୁ ହେବ କହିଛନ୍ତି ପୁଲିସ ଡିଜି । ତେବେ ଲକଡାଉନ ଅପେକ୍ଷା ଆହୁରୀ କଡାକଡି ହେବ ସଟଡାଉନ । ଲଡଡାଉନ ବେଳେ ଯେଉଁ ସବୁ କଟକଣା ଜାରି ହୋଇଥିଲା ତଥା ଦୋକାନ ବଜାର ଖୋଲା ରଖିବାକୁ କୁହାଯାଇଥିଲା ସେସବୁ ମଧ୍ୟ ଆଗାମୀ ୪୮ କଂଟା ପାଇଁ ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଛି ।

ଏମିତିକି ପରିବା, କ୍ଷୀର, ରାସନ ସାମଗ୍ରୀ ଦୋକାନ ମଧ୍ୟ ବନ୍ଦ ରହିବ । ଏହି ୪୮ ଘଂଟା ଭିତରେ ଔଷଧ ଦୋକାନ ଖୋଲିବା ଉପରେ ମଧ୍ୟ କଟକଣା ଲଗାଯିବ । ସ୍ଥାନୀୟ ଅଂଚଳର ପ୍ରଶାସିନକ ଅଧିକାରୀଙ୍କ ନିର୍ଦେଶ କ୍ରମେ ଖୁବ୍ କମ୍ ଔଷଧ ଖୋଲା ରହିବ । ତେବେ ଜାତୀୟ ରାଜପଥ ଉପରେ ମାଲବାହୀ ଗାଡି ଚଳାଚଳରେ କୌଣସି କଟକଣା ରହିବ ନାହିଁ । ଏହାସହ ଏହି ସମୟରେ କୌଣସି ପାସ୍ କାମ କରିବ ନାହିଁ ବୋଲି ସ୍ପଷ୍ଟ କରିଛନ୍ତି ପୁଲିସ ଡିଜି ଅଭୟ ।

ଏବେ ନଜର ପକାନ୍ତୁ ସଟଡାଉନ୍ ବେଳେ କଣ ବନ୍ଦ ଏବଂ ଖୋଲା ରହିବ..

 ସଟଡାଉନ ଏକ ପ୍ରକାର କର୍ଫ୍ୟୁ

 ସଟଡାଉନରେ ସମସ୍ତ ପନିପରିବା, ମାଛ ମାଂସ, ଫଳ, ଗ୍ରୋସରୀ ଦୋକାନ ବନ୍ଦ ରହିବ

 ଲକଡାଉନରେ ଏହି ସବୁ ଦୋକାନ ଖୋଲା ରହିଥିଲା

 ଔଷଧ ଦୋକାନ କମାଯିବ

 ସ୍ଥାନୀୟ ଅଧିକାରୀ ସ୍ଥିର କହିବେ କେତେ ଔଷଧ ଦୋକାନ ଖୋଲାଯିବ?

 ଛୋଟ ରୋଗ ଥିଲେ ବାହାରକୁ ନବାହାରିବାକୁ ନିର୍ଦ୍ଦେଶ

 ଆମ୍ବୁଲାନ୍ସ ସଂଖ୍ୟା ବଢାଇ ଦିଆଯିବ

 ସଟଡାଉନ ପାଇଁ ନୂଆ ପାସ୍ ଦିଆଯିବ

 ଜରୁରୀକାଳୀନ ସେବା ଯୋଗାଉଥିବା ବ୍ୟକ୍ତିଙ୍କୁ ମିଳିବ ସଟଡାଉନ ପାସ୍

 ମାଲ ପରିବହନ ଗାଡି ଉପରେ କୌଣସି କଟକଣା ରହିବ ନାହିଁ

 ୧୦୦ ନମ୍ବରରେ ଫୋନ୍ କରି ଭୁବନେଶ୍ୱରରେ ପାସ୍ ନେଇପାରିବେ

 ଭଦ୍ରକରେ ଜିଲ୍ଲାପାଳ ଦେବେ ପାସ୍