ଭଲ ଖବର ! ଦେଶର ଟପ୍ ୧୦ ସ୍ୱଚ୍ଛ ରେଳ ଷ୍ଟେସନ ଭିତରେ ସ୍ଥାନ ପାଇଲା ଭୁବନେଶ୍ୱର ।
ରେଳଯାତ୍ରୀଙ୍କ ପାଇଁ ଖୁସିର ଖବର । ଭୁବନେଶ୍ୱର ରେଳ ଷ୍ଟେସନ ଦେଶର ଶ୍ରେଷ୍ଠ ସ୍ୱଚ୍ଛ ୧୦ଟି ରେଳ ଷ୍ଟେସନରେ ସ୍ଥାନ ପାଇଛି । ଏନେଇ ଆଜି କେନ୍ଦ୍ର ରେଳମନ୍ତ୍ରୀ ପୀୟୁଷ ଗୋୟଲ ଦେଶର ୧୦ଟି ସ୍ୱଚ୍ଛ ରେଳ ଷ୍ଟେସନର ନାମ ଘୋଷଣା କରିଛନ୍ତି । ଯେଉଁଥିରେ ଭୁବନେଶ୍ୱର ନବମ ସ୍ଥାନରେ ରହିଛି । ସୂଚନା ଅନୁଯାୟୀ, ଗତ ୨୦୧୭ ମସିହାରେ ଏହି ଧାରାରେ ଭୁବନେଶ୍ୱର ୧୩ ନମ୍ବର ସ୍ଥାନରେ ରହିଥିଲା ।
Kanak News is now on WhatsApp
Join and get latest news updates delivered to you via WhatsApp
ସେହିପରି ପୁରୀ ରେଳ ଷ୍ଟେସନ ଗତ ବର୍ଷ ଏହି ସର୍ବେକ୍ଷଣରେ ୩୭ ନମ୍ବର ସ୍ଥାନରେ ରହିଥିବା ବେଳେ ନୂଆ କରି ହୋଇଥିବା ସର୍ବେକ୍ଷଣରେ ପୁରୀ ରେଳ ଷ୍ଟେସନ ୨୨ ନମ୍ବର ସ୍ଥାନରେ ରହିଛି । ତେବେ ସବୁଠାରୁ ବଡ କଥା ହେଉଛି ପୂର୍ବତଟ ରେଳବାଇର କାଟାଗୋରି ଅନୁଯାୟୀ ଓଡିଶାର କେବଳ ଭୁବନେଶ୍ୱର ଏବଂ ପୁରୀ ରେଳ ଷ୍ଟେସନ ଏ୧ କାଟାଗୋରୀରେ ସ୍ଥାନ ପାଇ ପାରିଛି । ତେବେ ଏ୧ କ୍ୟାଟାଗୋରିର ଶ୍ରେଷ୍ଠ ୧୦ଟି ରେଳ ଷ୍ଟେସନ ହେଉଛି, ଜୋଧପୁର, ତିରୁପତି, ବିଜୟୱାଡା, ଆନନ୍ଦ ବିହାର ଟର୍ମିନାଲ, ସିକନ୍ଦରାବାଦ ଜଙ୍କସନ୍, ବାନ୍ଦ୍ରା, ହାଇଦ୍ରାବାଦ, ଭୁବନେଶ୍ୱର ଏବଂ ବିଶାଖାପାଟଣା । ତେବେ କଟକ ରେଳ ଷ୍ଟେସନ ଗତ ବର୍ଷ ୧୦୦ ନମ୍ବର ସ୍ଥାନରେ ରହିଥିବା ବେଳେ ଚଳିତ ସର୍ବେକ୍ଷଣରେ ୩୦ ନମ୍ବର ସ୍ଥାନରେ ରହିଛି ।
ତେବେ ଓଡିଶାର ଅନ୍ୟ ରେଳ ଷ୍ଟେସନ ଗୁଡିକ ମଧ୍ୟରେ ପଳସା ୨୦ ନମ୍ବର ସ୍ଥାନରେ ରହୁଥିବା ବେଳେ ବ୍ରହ୍ମପୁର ୩୫ ନମ୍ବର, ଯାଜପୁର-କେନ୍ଦୁଝର ରୋଡ ଷ୍ଟେସନ ୩୯ ନମ୍ବର, ରାୟଗଡା ୬୪ ନମ୍ବର, ଖୋର୍ଦ୍ଧା ଷ୍ଟେସନ ୧୨୭ ନମ୍ବର, ଭଦ୍ରକ ୧୬୦ ନମ୍ବର ଏବଂ ସମ୍ବଲପୁର ୨୩୯ ନମ୍ବର ସ୍ଥାନରେ ରହିବା ସହ ଏ କାଟାଗୋରିରେ ସ୍ଥାନ ପାଇଛନ୍ତି । ତେବେ ଏହି ସ୍ୱଚ୍ଛତା ସର୍ବେକ୍ଷଣ ୨୦୧୬ ମସିହାରେ କ୍ୱାଲିଟି କାଉନସିଲ୍ ଅଫ୍ ଇଣ୍ଡିଆ ଦ୍ୱାରା ଆରମ୍ଭ ହୋଇଥିଲା । ଏବଂ ଏହା ପର ଠାରୁ ସମସ୍ତ ରେଳ ଷ୍ଟେସନ ଗୁଡିକରେ ସ୍ୱଚ୍ଛାତା ପ୍ରତି ଅନେକ ଧ୍ୟାନ ଦିଆଯାଇଥିଲା ।