କୁଆଖାଇ ନଈପଠାରୁ ଉଦ୍ଧାର ମୃତ ଯୁବକ ଜଣଙ୍କ କିଏ ? ଉଦ୍ଧାରର ୨୪ ଘଂଟା ପରେ ବି ମିଳିପାରିନାହିଁ ପରିଚୟ, ପୋଷ୍ଟମର୍ଟମ ରିପୋର୍ଟକୁ ଅପେକ୍ଷା
କନକ ବ୍ୟୁରୋ : ଭୁବନେଶ୍ୱର ବରିମୁଣ୍ଡ କୁଆଖାଇ ନଈପଠାରୁ ଉଦ୍ଧାର ମୃତ ଯୁବକ ଜଣଙ୍କ କିଏ ? ଉଦ୍ଧାରର ୨୪ ଘଂଟା ପରେ ବି ଯୁବକଙ୍କ ପରିଚୟ ମିଳିପାରିନାହିଁ । ମୃତ ଯୁବକଙ୍କ ପରିଚୟ ଖୋଜୁଛି ପୋଲିସ । ମୃତଦେହକୁ ପୋଷ୍ଟମର୍ଟମ୍ ପାଇଁ ଭୁବନେଶ୍ୱର ଏମ୍ସକୁ ପଠାଯାଇଛି । ପୋଷ୍ଟମର୍ଟମ୍ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ସ୍ପଷ୍ଟ ହେବ । ତିନି ଚାରି ଦିନ ତଳୁ ଯୁବକଙ୍କ ମୃତ୍ୟୁ ହୋଇଥିବା ଅନୁମାନ କରାଯାଉଛି । ମୃତକଙ୍କ ପରିଚୟ ଜାଣିବା ପାଇଁ ଟ୍ୱିନ୍ ସିଟିର ସବୁ ଥାନାକୁ ଆଲର୍ଟ କରାଯାଇଛି । ୧୦ ଦିନ ତଳର ମିସିଂ ରିପୋର୍ଟକୁ ଯାଂଚ କରାଯାଉଛି । ଯୁବକଙ୍କ କାନରେ ଥିବା ସୁନା କୁଣ୍ଡଳ ଓ ଡ୍ରେସ୍କୁ ଆଧାର କରି ତଦନ୍ତ ଆରମ୍ଭ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର କୁଆଖାଇ ନଦୀପଠାରେ ମୃତଦେହ ପୋତି ହୋଇଥିବା ଖବର ମିଳିବା ପରେ ଗତକାଲି ବାଲିକୁ ଖୋଳାଯାଇ ମୃତଦେହ ଉଦ୍ଧାର କରାଯାଇଥିଲା । ଦେହରେ କିଛି କ୍ଷତି ହୋଇନଥିବା ବେଳେ ମୁହଁ ନଷ୍ଟ ହୋଇଯାଇଥିଲା । ତେବେ ଏହି ମୃତଦେହ କାହାର ଓ ଏହା ପଛରେ କିଏ ସେ ନେଇ ଏବେ ବି ସସପେନ୍ସ ଜାରି ରହିଛି । ପ୍ରଥମିକ ତଦନ୍ତ ରିପୋର୍ଟ ଅନୁସାରେ ଯୁବକଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି ।