ଚର୍ଚ୍ଚାରେ ବିଜେପି ନେତ୍ରୀ ଉମା ଭାରତୀଙ୍କ ବିବାଦୀୟ ବୟାନ । କହିଲେ, ଅଫିସରମାନଙ୍କ ଔକାତ ନାହିଁ, ଆମ ଚପଲ ଉଠାନ୍ତି ।
କନକ ବ୍ୟୁରୋ: ମଧ୍ୟପ୍ରଦେଶର ପୂୂର୍ବତନ ମୁଖ୍ୟମନ୍ତ୍ରୀ ତଥା ବିଜେପି ନେତ୍ରୀ ଉମା ଭାରତୀଙ୍କ ଏକ ବୟାନ ଏବେ ତାଙ୍କ ପାଇଁ ଅଡୁଆ ସାଜିପାରେ । କାହିଁକି ନା, ସୋସିଆଲ୍ ମିଡିଆରେ ତାଙ୍କର ଏକ ଭିଡିଓ ଏବେ ଖୁବ ଜୋରରେ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ସରକାରୀ ଅଫିସରମାନଙ୍କ ବିରୋଧରେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଉମା ଭାରତୀ ଏହି ଭାଇରାଲ ଭିଡିଓରେ କହିଛନ୍ତି, “ସରକାରୀ ଅଫିସର ଔକାତ ନାହିଁ, ସେମାନେ କେବଳ ଚପଲ ଉଠାନ୍ତି । ସରକାରୀ ଅଫିସରମାନଙ୍କୁ ନେତାମାନେ ବୁଲାନ୍ତି । ନେତାଙ୍କ ସହିତ ଅଫିସର ଆଗୁଆ କଥା ହୁଅନ୍ତି, ତା ପରେ ଫାଇଲ୍ ତିଆରି ହୁଏ । ମୁଁ ୧୧ ବର୍ଷ ମନ୍ତ୍ରୀ ଆଉ ମୁଖ୍ୟମନ୍ତ୍ରୀ ରହିଛି । ଆମେ ତାଙ୍କୁ ପୋଷ୍ଟିଂ ଦେଉ, ତାଙ୍କୁ ଚାକିରି ଦେଉ , ତାଙ୍କୁ ପ୍ରମୋସନ ଦେଉ । ବୁରୋକ୍ରେସୀ ବାହାନାରେ ଆମେ ରାଜନୀତି କରୁ ।”
पूर्व केंद्रीय मंत्री उमा भारती के ब्यूरोक्रेसी पर विचार –
ब्यूरोक्रेसी कुछ नही होती चप्पल उठाती है हमारी..
ब्यूरोक्रेसी को लेकर कांग्रेस को कोसने वाले भाजपा नेता स्पष्ट करे कि वो उमा जी के बयान से सहमत है या नही और ब्यूरोक्रेसी का क्या यही सम्मान करती है भाजपा…? pic.twitter.com/YNVgfuhTuh
— Narendra Saluja (@NarendraSaluja) September 20, 2021
ସୂଚନା ଯୋଗ୍ୟ ଯେ, ଓବିସି ସଂରକ୍ଷଣ କଥାକୁ ନେଇ କିଛି ବ୍ୟକ୍ତି ଉମା ଭାରତୀଙ୍କୁ ଭେଟିବାକୁ ଯାଇଥିଲେ । ସେଠାରେ ତାଙ୍କ ସହିତ କଥାବାର୍ତ୍ତା ବେଳର ଏହି ଭିଡିଓଟି ଏବେ ଖୁବ ଭାଇରାଲ୍ ହେବାରେ ଲାଗିଛି । ତେବେ ଏହି ଘଟଣାକୁ ନେଇ ବିରୋଧୀମାନେ ଏବେ ଉମାଙ୍କୁ ଟାର୍ଗେଟ କରିବାରେ ଲାଗିଛନ୍ତି । କଂଗ୍ରେସ ଏହି ମାମଲାରେ ଉମାଙ୍କୁ କଟାକ୍ଷ କରିବା ସହିତ ବିଜେପିର ସ୍ପଷ୍ଟୀକରଣ ମାଗିଛି ।
ଗତ କିଛି ଦିନ ହେଲା ଉମା ଭାରତୀ ଲଗାତାର ଚର୍ଚ୍ଚାରେ ରହିଆସିଛନ୍ତି । ନିଜ ସରକାର ବିରୋଧରେ ହିଁ ତାଙ୍କ ବୟାନବାଜି ବିଜେପିକୁ ଅସୁବିଧାରେ ପକାଉଛି । ମଦ ବନ୍ଦ କରିବାକୁ ସେ ଆସନ୍ତା ଜାନୁଆରୀ ୧୫ ତାରିଖରୁ ରାସ୍ତାକୁ ଓହ୍ଲାଇବେ ବୋଲି କହିଛନ୍ତି । ତାଙ୍କ କହିବା କଥା ହେଲା, ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଓ ପ୍ରଦେଶ ଅଧ୍ୟକ୍ଷ ବିଡି ଶର୍ମା ତୁରନ୍ତ ଏନେଇ ପଦକ୍ଷେପ ଗ୍ରହଣ କରନ୍ତୁ, ନଚେତ୍ ସେ ୬ ମାସ ପରେ ରାସ୍ତାକୁ ଓହ୍ଲାଇବେ । ହେଲେ ଏହାରି ଭିତରେ ତାଙ୍କର ଏହି ଭାଇରାଲ ଭିଡିଓ ବିଜେପିକୁ ଚିନ୍ତାରେ ପକାଇଛି ।