ପ୍ରବାସୀ ଓଡିଆଙ୍କୁ ବାଙ୍ଗାଲୋର ନଛାଡିବାକୁ ବାଙ୍ଗାଲୋର ପୋଲିସ କମିଶନରଙ୍କ ନିବେଦନ । କହିଲେ, ଖୁବଶୀଘ୍ର ଚାଲିବ କଳକାରଖାନା, କାମରେ ଯୋଗ ଦିଅନ୍ତୁ । ସମସ୍ୟା ହେଲେ ପୋଲିସକୁ ଜଣାନ୍ତୁ…
କନକ ବ୍ୟୁରୋ: କରୋନା କାୟା ମେଲାଉଥିବାବେଳେ ପ୍ରଥମ ଥର ପାଇଁ ସହର ନଛାଡିବାକୁ ପ୍ରବାସୀ ଓଡିଆଙ୍କୁ ନିବେଦନ କରିଛନ୍ତି ବେଙ୍ଗାଲୁର ପୋଲିସ କମିଶନର ଭାସ୍କର ରାଓ । ସେ କହିଛନ୍ତି, ଖୁବଶୀଘ୍ର କର୍ଣ୍ଣାଟକରେ ଚାଲିବ କଳକାରଖାନା ଏବଂ ଶ୍ରମିକମାନେ ପୁଣି କାର୍ଯ୍ୟରେ ଯୋଗଦେଇପାରିବେ । ସବୁଠାରୁ ବଡ଼କଥା ହେଲା କି ଉତ୍ପାଦନ ଓ ଅନ୍ୟାନ୍ୟ କାର୍ଯ୍ୟକ୍ରମ ଯଥାସମ୍ଭବ ଆରମ୍ଭ କରାଯିବ । ତେଣୁ ତାଲାବନ୍ଦ ଯୋଗୁଁ ଭୟଭୀତ ହୋଇ ଘରକୁ ଚାଲିଯିବାକୁ ଚାହୁଁଥିବା ଶ୍ରମିକ ଶ୍ରେଣୀର ଲୋକ ଭୟଭୀତ ନହୋଇ , ବେଙ୍ଗାଲୁରରେ ରୁହନ୍ତୁ ଓ ନିଜ ନିଜର ଚାକିରିକୁ ସୁରକ୍ଷିତ ରଖନ୍ତୁ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ସାରା ଦେଶ କରୋନା ମୁକାବିଲା କରୁଥିବାବେଳେ ବେଙ୍ଗାଲୁରରେ ଥିବା ପ୍ରବାସୀ ଓଡିଆଙ୍କୁ ସମସ୍ତ ପ୍ରକାର ସୁବିଧା ସୁଯୋଗ ଯୋଗାଇ ଦିଆଯିବ ବୋଲି କର୍ଣ୍ଣାଟକ ମୁଖ୍ୟମନ୍ତ୍ରୀ ବି.ଏସ. ୟେଦୁରପ୍ପା ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରତିଶ୍ରୂୁତି ଦେଇଛନ୍ତି । ଏହା ସହିତ ଯଦି କୌଣସି ଅସୁବିଧା ହେଉଛି ତେବେ ନିକଟସ୍ଥ ପୋଲିସ ଷ୍ଟେସନ ସହ ଯୋଗାଯୋଗ କରିବାକୁ କହିଛନ୍ତି ପୋଲିସ କମିଶନର ଭାସ୍କର ରାଓ ।