ଭର୍ତ୍ତୃହରିଙ୍କ ସମ୍ପାଦକୀୟକୁ ନେଇ ଚର୍ଚ୍ଚା । ମନ୍ତବ୍ୟକୁ ନେଇ ମତ ରଖିଲା ବିଜେଡି । କହିଲା, ସାଂସଦଙ୍କ କଥା ଭିତ୍ତିହୀନ ।
କନକ ବ୍ୟୁରୋ: ପିପିଲି ନିର୍ବାଚନ ମଣ୍ଡଳୀର ବାସିନ୍ଦା ନହୋଇ ମଧ୍ୟ ଦଳକୁ ଦଳ ବାହାର ଲୋକ ସେଠାକୁ ପିକନିକ ମନେଇବାକୁ ଯାଉଛନ୍ତି । ଯାହା ଦଳୀୟ ନେତୃତ୍ୱ ପାଇଁ ନିଶ୍ଚିତ ଏକ ଆହ୍ୱାନ । ନିଜ ମାଲିକାନାରେ ଥିବା ଦୈନିକ ସମ୍ବାଦପତ୍ର ‘ପ୍ରଜାତନ୍ତ୍ର’ରେ ‘ନିର୍ବାଚନରେ ଗୁଣ୍ଡାଙ୍କ ଉତ୍ପାତ ଓ ନେତୃତ୍ବ’ ଶୀର୍ଷକ ସମ୍ପାଦକୀୟରେ ଏମିତିି କିଛି ଲେଖି ଚର୍ଚ୍ଚାକୁ ଆସିଛନ୍ତି ନିଜେ ଭର୍ତୃହରି । ଆଉ ଏଭଳି ମନ୍ତବ୍ୟକୁ ଗୁରୁତ୍ୱର ସହ ନେଇଛି ବିଜେଡି । ଦଳ କଟାକ୍ଷ କରିଛି, ଭର୍ତୃହରିଙ୍କ କଥା ଭିତିହୀନ । ସେ କୌଣସି ନିର୍ବାଚନରେ ଭାଗ ନିଅନ୍ତି ନାହିଁ । ତାଙ୍କର ନିଦ ବୋଧେ ଏବେ ଭାଙ୍ଗିଲା ବୋଲି କହିଛି ଦଳ ।
Kanak News is now on WhatsApp
Join and get latest news updates delivered to you via WhatsApp
ଭର୍ତ୍ତୃହରିଙ୍କ ସମ୍ପାଦକୀୟ ମନ୍ତବ୍ୟକୁ ନେଇ ବିଜେଡି କଟାକ୍ଷ କରିଥିବାବେଳେ କଟକ ସାଂସଦଙ୍କୁ କିନ୍ତୁ ଖୋଲାଖୋଲି ସମର୍ଥନ କରିଛି ବିଜେପି । ଦଳ କହିଛି, ଭର୍ତୃହରି ଯାହା କହିଛନ୍ତି, ଆମେ ବି ସେହି କଥା କହୁଥିଲୁ । ବିଜେଡି ନେତା ପିକନିକ କରୁଛନ୍ତି । ଜିତିବାର ଭରସା ନଥିବାରୁ କଳ, ବଳ ଓ କୌଶଳ ଲଗାଯାଉଛି । ଭର୍ତୃହରି ମହତାବଙ୍କ ଗତ କିଛିଦିନର ରାଜନୈତିକ କାର୍ଯ୍ୟକଳାପ ନେଇ ନୂଆ ଚର୍ଚ୍ଚା ସୃଷ୍ଟି ହୋଇଛି । ସେ ବିଜେପି ଆଡକୁ ଢଳୁଥିବା ବି ଆଲୋଚନା ଆରମ୍ଭ ହୋଇଛି । ଏବେ ପ୍ରଦାତନ୍ତ୍ରରେ ନିଜ ସମ୍ପାଦକୀୟ ଦ୍ୱାରା ଭର୍ତୃହରି ବିଜେଡିକୁ କି ସନ୍ଦେଶ ଦେବାକୁ ଚାହିଁଛନ୍ତି ତାକୁ ନେଇ ଚର୍ଚ୍ଚା ଆରମ୍ଭ ହୋଇଛି ।