କୋଭାକ୍ସିନ୍ ପରେ ନାକରେ ଦିଆଯିବା କରୋନା ଟୀକା ପ୍ରସ୍ତୁତ କରୁଛି ଭାରତ ବାୟୋଟେକ୍ । ଖୁବଶୀଘ୍ର ଆରମ୍ଭ ହେବ ମାନବ ପରୀକ୍ଷଣ ।
କନକ ବ୍ୟୁରୋ: ସଂପୂର୍ଣ୍ଣ ସ୍ୱଦେଶୀ ଜ୍ଞାନ କୌଶଳରେ କରୋନା ଟିକା ‘କୋଭାକସିନ’ ତିଆରି କରିଥିବା ଭାରତ ବାୟୋଟେକ୍ କମ୍ପାନୀ, ନାକରେ ପକାଇବା ପାଇଁ କରୋନା ଟିକା ପ୍ରସ୍ତୁତ କରୁଛି । ଏହାର ମ୍ୟାନେଜିଂ ଡାଇରେକ୍ଟର ଡକ୍ଟର କ୍ରିଷ୍ଣା ଇଲା କହିଛନ୍ତି, ଏହି ଭାକ୍ସିନ ଏବେ ନିର୍ମାଣଧିନ ଅଛି । ଏହି ଭାକ୍ସିନରେ ମାତ୍ର ଗୋଟିଏ ଡୋଜ ଦେବାକୁ ପଡିବ ଏବଂ ତାହା ଶରିରକୁ ନଫୁଟାଇ ନାକରେ ଦିଆଯିବ । ଏଥିପାଇଁ ଭାରତ ବାୟୋଟେକ୍, ଆମେରିକାର ଦୁଇଟି ଭ୍ୟାକ୍ସିନ୍ ନିର୍ମାତା, ୱାସିଂଟନ୍ ସ୍କୁଲ ଅଫ ମେଡିସିନ୍ ଅଫ ଓ ଫ୍ଲୁ-ଜେନ କମ୍ପାନୀ ସହ କାମ କରୁଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଦୁଇଟି ପ୍ରକଳ୍ପ ମଧ୍ୟରୁ ୱାସିଂଟନ୍ ସ୍କୁଲ ଅଫ ମେଡିସିନ ସହ ମିଳିତ ଭାବେ କରାଯାଉଥିବା ଗବେଷଣାରେ ବଡ ଧରଣର ସଫଳତା ମିଳିଛି । ପଶୁଙ୍କ ଦେହରେ ପରୀକ୍ଷଣର ବେଶ ଭଲ ପ୍ରଭାବ ଦେଖିବାକୁ ମିଳିଛି ଏବଂ ଭଲ ଭାବରେ ରୋଗପ୍ରତିରୋଧକ ଶକ୍ତି ବା ଆଂଟିବଡି ସୃଷ୍ଟି ହୋଇଛି । ଖୁବ୍ ଶୀଘ୍ର ଏହାର ପ୍ରଥମ ଓ ଦ୍ୱିତୀୟ ପର୍ଯ୍ୟାୟ ମାନବ ପରୀକ୍ଷଣ ଆରମ୍ଭ ହେବ ବୋଲି ଭାରତ ବାୟୋଟେକ୍ ତରଫରୁ କୁହାଯାଇଛି । ୨୦୨୧ ଅଗଷ୍ଟ- ସେପ୍ଟେମ୍ବର ସୁଦ୍ଧା ଏହି ଭାକ୍ସିନ ପ୍ରସ୍ତୁତ ହୋଇଯିବ ବୋଲି ଆଶା କରାଯାଉଛି । ଡକ୍ଟର କ୍ରିଷ୍ଣା ଇଲା କହିଛନ୍ତି, କୋଭିଡକୁ ରୋକିବା ପାଇଁ ଏହା ସବୁଠାରୁ ବଡ ଅସ୍ତ୍ର ହେବ ।