କନକ ବ୍ୟୁରୋ : ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଭଞ୍ଜନଗର ବ୍ଲକ୍ର ବିଭିନ୍ନ ଗାଁରେ ରାଜନୈତିକ ପାଣିପାଗ ଚଳଚଞ୍ଚଳ ହୋଇ ଉଠିଥିବା ସହ ପ୍ରଶାସନିକସ୍ତରରେ ସମସ୍ତ ପ୍ରସ୍ତୁତି ମଧ୍ୟ ଶେଷ ହୋଇଛି । କିନ୍ତୁ ନାମାଙ୍କନ ପ୍ରକ୍ରିୟା ଆରମ୍ଭକୁ ଅଳ୍ପ ସମୟ ଥିଲେ ମଧ୍ୟ, ଏଯାବତ୍ ବିଭିନ୍ନ ପଞ୍ଚାୟତ ପାଇଁ ପ୍ରାର୍ଥୀ ଚୟନ ଚୂଡ଼ାନ୍ତ ହୋଇପାରୁନି । ମାଳମାଳ ଆଶାୟୀଙ୍କ ମଧ୍ୟରେ ତିନି ପ୍ରମୁଖ ଦଳ ବିଜେଡି, ବିଜେପି ଓ କଂଗ୍ରେସ ହରଡ଼ଘଣାରେ ପଡ଼ିଛନ୍ତି । କାରଣ ପରୋକ୍ଷ ଭାବେ ଦଳୀୟ ସମର୍ଥନରେ ହିଁ ସରପଞ୍ଚ ଓ ସମିତିସଭ୍ୟ ନିର୍ବାଚନୀ ବୈତରଣୀ ପାର ହେବେ । ଆଉ ଜଣଙ୍କୁ ଟିକଟ୍ ଦେଲେ ଅନ୍ୟ ଗୋଷ୍ଠୀ ବିଦ୍ରୋହ ଆରମ୍ଭ କରିବେ । ଆଉ ଦଳ ଏଭଳି ପରିସ୍ଥିତିରେ ବିଭାଜିତ ହେବାର ଯଥେଷ୍ଟ ଆଶଙ୍କା ରହିଛି ।
Kanak News is now on WhatsApp
Join and get latest news updates delivered to you via WhatsApp