କନକ ବ୍ୟୁରୋ : ଭୋଜି ଖାଇବାକୁ ଘରୁ ଡାକି ନେଇ ଯୁବକଙ୍କୁ ହତ୍ୟା ଅଭିଯୋଗ । ଜଗନ୍ନାଥପ୍ରସାଦ ଯୁଧିଷ୍ଠିର ବିଦ୍ୟାପୀଠ ଏକ ପରିତ୍ୟକ୍ତ କୂଅରୁ ହାତଗୋଡ ବନ୍ଧା ଅବସ୍ଥାରେ ଯୁବକଙ୍କ ମୃତ ଦେହ ଉଦ୍ଧାର କରିଛି ପୋଲିସ । ସୂଚନା ଅନୁଯାୟୀ, ଗତ ତିନି ତଳେ ଜଳିସାହିର ଶଙ୍କରଙ୍କୁ ତାଙ୍କ ସାଙ୍ଗ ଭୋଜି ଖାଇବାକୁ ଘରୁ ଡାକି ନେଇଥିଲେ । କିନ୍ତୁ ତାପରେ ଶଙ୍କର ଆଉ ଘରକୁ ଫେରିନଥିଲା । ପୁଅ ଘରକୁ ନଫେରିବାରୁ ପରିବାର ଲୋକେ ବହୁ ଖୋଜାଖୋଜି କରିବା ପରେ ଏକ କୂଅରେ ଚପଲ ଭାସୁଥିବା ଦେଖିବାକୁ ପାଇଥିଲେ । ଜଗନ୍ନାଥପ୍ରସାଦ ଥାନାକୁ ଖବର ଦେବାରୁ ପୋଲିସ ଓ ଅଗ୍ନିଶମବାହିନୀ କର୍ମଚାରୀ ପହଂଚି ମୃତଦେହ କୂଅରୁ ଉଦ୍ଧାର କରିଥିଲେ । ଶଙ୍କରଙ୍କର କେମିତି ମୃତ୍ୟୁ ହେଲା ତଦନ୍ତ କରୁଛି ପୋଲିସ ।

Advertisment