ହାତୀ ଗୋଡରେ ଗୁଳି, ଗୁଜବ ପଛରେ ବନ ବିଭାଗ : ଜାଣନ୍ତୁ କ’ଣ ରହିଛି ପୂରା ଘଟଣା ?
କନକ ବ୍ୟୁରୋ : ହାତୀ ଗୋଡରେ ଗୁଳି, ଗୁଜବ ପଛରେ ବନ ବିଭାଗ । କିଛି ମାସ ଧରି ଭଂଜନଗର ଉତର ଘୁମୁସର ବନଖଣ୍ଡର ମୁଜାଗଡ଼ ଓ ଗାଲେରୀ ରେଜଂରେ ୧୮ ଟିକିଆ ହାତୀ ପଲ ଚାଷୀଙ୍କ ନିଦ ହଜାଇ ଦେଇଥିଲେ । ଦୁଇ ଦିନ ତଳେ ଦରଫଙ୍ଗିଆ ଜଙ୍ଗଲରେ ଏକ ଦନ୍ତା ହାତୀ ସିମାନ୍ତ କନ୍ଧମାଳ ଜିଲ୍ଲାର କଳିଙ୍ଗା ଘାଟି ଉପରକୁ ଯାଇଥିବାବେଳେ ସେଠାରେ ତାକୁ ଗୁଳି କରାଯାଇଥିବା ବନବିଭାଗକୁ ସୂଚନା ମିଳିଥିଲା ।
Kanak News is now on WhatsApp
Join and get latest news updates delivered to you via WhatsApp
ହାତୀ ପଲକୁ ବନ ବିଭାଗ ଡ଼୍ରୋନ ମାଧ୍ୟମରେ ନୀରିକ୍ଷଣ କରିଆସୁଥିବାବେଳେ ଗୁଳିବିଦ୍ଧ ହାତୀର ସନ୍ଧାନ ପାଇପାରିନଥିଲା ବନ ବିଭାଗ । ଏହା ପରେ ଗୁଳି ବଦ୍ଧ ଦନ୍ତାର ଶବ ବ୍ରହ୍ମଣପଦର ଜଙ୍ଗଲରେ ପଡ଼ିଥିବା ନେଇ କର୍ମଚାରୀମାନେ ସୂଚନା ପାଇଲେ । ତେଣୁ ଡ଼ିଏଫଓ ଅଭୟ କୁମାର ଦଳାଇଙ୍କ ନିର୍ଦ୍ଦେଶରେ ସ୍ଥାନୀୟ ରେଜଂର ବିମ୍ବାଧର ସାହୁ ୩ଟି ଟିମକୁ ନେଇ ତନ ତନ କରି ଖୋଜି ବୁଲୁଥିଲେ । ହେଲେ ଏଯାଏଁ ଗୁଳିବିଦ୍ଧ କିମ୍ବା ଆହତ ହାତୀ ସମ୍ପର୍କରେ କୈାଣସି ସୂଚନା ମିଳିପାରି ନାହିଁ । ଏପରିକି ବନ ବିଭାଗକୁ ମିଲିଥିବା ଖବରଟି ଗୁଜବ ବୋଲି ମଧ୍ୟ ସନ୍ଦେହ କରାଯାଉଛି । ତେଣୁ ସମ୍ଭାବ୍ୟ ଗୁଜବ ପଛରେ ବନ ବିଭାଗର କର୍ମଚାରୀମାନେ ଜଙ୍ଗଲସାରା ଖୋଜି ବୁଲୁଥିବା ଏବେ ଚର୍ଚ୍ଚାର କାରଣ ପାଲଟିଛି ।