ଟେଷ୍ଟ ନକରି ବି କରୋନା ପଜିଟିଭ: ହଠାତ ଘରେ ଆସି କୋଭିଡ ପଜିଟିଭ ନୋଟିସ ମାରିବାକୁ ପହଚିଂଗଲେ ଅଙ୍ଗନବାଡି କର୍ମୀ
ତହସିଲଦାରଙ୍କ ଭୁଲ ସୂଚନା ଯୋଗୁ ଅପ୍ରୀତିକର ପରିସ୍ଥିତିରେ ପଡିଲେ ଜଗନ୍ନାଥପ୍ରସାଦର ସାମ୍ବାଦିକ ଚନ୍ଦ୍ରକେତୁ ରାଉତ
କନକ ବ୍ୟୁରୋ: ଭଂଜନଗର ଜଗନ୍ନାଥ ପ୍ରସାଦ ଅଂଚଳରୁ ଆସିଲା ଆଶ୍ଚର୍ଯ୍ୟ କଲା ଭଳି ଖବର । ଟେଷ୍ଟ ନକରି କରୋନା ପଜିଟିଭ ଆସିଥିବା ନେଇ ଅଭିଯୋଗ ହୋଇଛି । ଚନ୍ଦ୍ରକେତୁ ରାଉତ ନାମକ ଜଣେ ବ୍ୟକ୍ତି, ଯିଏ କି ପେଶାରେ ଜଣେ ସାମ୍ବାଦିକ । କରୋନା ପରୀକ୍ଷା ନକରି ତାଙ୍କର କରୋନା ପଜିଟିଭ ଆସିଥିବା ନେଇ ତାଙ୍କ ଘରକୁ କିଛି ସରକାରୀ କର୍ମୀ ପହଂଚି ତାଙ୍କର କରୋନା ପଜିଟିଭ ଆସିଥିବା ଜଣାଇଥିଲେ । ଏପରିକି ତାଙ୍କୁ ଘରୋଇ ସଂଗରୋଧରେ ରହିବା ପାଇଁ ଏକ ନିର୍ଦ୍ଦେଶନାମା ଫର୍ମ ନେଇ ତାଙ୍କ ଘରେ ପହଂଚିଥିଲେ । ଏନେଇ ବିଡ଼ିଓ, ସିଡ଼ିପିଓ ଓ ତହସିଲଦାରଙ୍କୁ ଏଘଟଣା ସମ୍ପର୍କରେ ଫୋନ ଯୋଗେ ପଚାରିଥିଲେ ଚନ୍ଦ୍ରକେତୁ ।
Kanak News is now on WhatsApp
Join and get latest news updates delivered to you via WhatsApp
ତେବେ ସେ ସେଭଳି କିଛି ପରାମର୍ଶ ଦେଇନଥିବା କହିଥିଲେ ଏବଂ ଅଙ୍ଗନୱାଡ଼ି କର୍ମୀଙ୍କୁ ସେଠାରୁ ଫେରିଆସିବା ପାଇଁ ମଧ୍ୟ କୁହାଯାଇଥିଲା । ସବୁଠାରୁ ବଡ଼ କଥା ହେଉଛି ତାଙ୍କ ଦେହରେ କିଛି କରୋନା ଲକ୍ଷଣ ନଥିଲା । ଆଉ ସେ ମଧ୍ୟ କେଉଁଠି କରୋନା ପରିକ୍ଷୀ କରାଇନଥିଲେ । ସରକାରୀ ସ୍ତରରେ ତାଙ୍କର କରୋନା ପଜିଟିଭ ଆସିବା ତାଙ୍କୁ ସବୁଠାରୁ ଚକିତ କରିଛି । କରୋନାକୁ ନେଇ ସରକାରୀ ସ୍ତରରେ ଅନେକ ସଚେତନ କରାଯାଉଛି । ହେଲେ ବେଳେ ବେଳେ ସରକାରୀ ସ୍ତରରେ ଏପରି ଭୁଲ ତଥ୍ୟ ଲୋକଙ୍କୁ ବିଭ୍ରାନ୍ତ କରୁଛି ।
ଏସବୁ ଘଟଣା ଘଟିବା ପରେ ତାଙ୍କ ଘରକୁ କେହି ଆସୁନଥିବା ବେଳେ ତାଙ୍କ ସହ ମଧ୍ୟ କଥା ହେବା ପାଇଁ ରାଜି ହୋଇନଥିଲେ । ଫଳରେ ଚନ୍ଦ୍ରକେତୁ ନିଜେ ବିଡ଼ିଓ ସୁରେଶ ଚନ୍ଦ୍ର ପଣ୍ଡାଙ୍କୁ ଦେଖାକରି ଏନେଇ ପଚାରି ଥିଲେ । କିଛି ସନ୍ତୋଷଜନକ ଉତର ନପାଇବା ପରେ ଶେଷରେ ନିରାଶ ହୋଇ ଗଣମାଧ୍ୟମର ସହଯୋଗ ଲୋଡ଼ିଛନ୍ତି ଚନ୍ଦ୍ରକେତୁ ରାଉତ ।