ନିୟମ ଭାଙ୍ଗି ବନ୍ଧା ହେଲେ ବ୍ୟବସାୟୀ: କରୋନା କଟକଣା ପରେ ବି ଦୋକାନ ଖୋଲିବାରୁ ଦୋକାନୀଙ୍କୁ ଗିରଫ କଲା ଭଦ୍ରକ ଟାଉନ ଥାନା ପୋଲିସ୍; ଗିରଫ ପରେ ସଂପୃକ୍ତ ବ୍ୟବସାୟୀଙ୍କୁ କୋର୍ଟ ଚାଲାଣ
କନକ ବ୍ୟୁରୋ: ନିୟମ ନମାନି ବନ୍ଧା ହେଲେ ଦୋକାନୀ । ଭଦ୍ରକ ସାହାପୁର ଛକ ସିମେଂଟ ଦୋକାନରେ ଚଢାଉ କରି ବ୍ୟବସାୟୀଙ୍କୁ ଗିରଫ କଲା ପୁଲିସ୍ । କରୋନା କଟକଣା ପରେ ବି ଦୋକାନ ଖୋଲିଥିବାରୁ ସିମେଂଟ ଦୋକାନୀଙ୍କୁ ବାନ୍ଧିଛି ପୁଲିସ୍ । ତେବେ ଗିରଫ ପରେ ସଂପୃକ୍ତ ଦୋକାନୀଙ୍କୁ କୋର୍ଟ ଚାଲାଣ କରିଛି ଭଦ୍ରକ ଟାଉନଥାନା ପୋଲିସ ।
Kanak News is now on WhatsApp
Join and get latest news updates delivered to you via WhatsApp
କରୋନାକୁ ନେଇ ଦେଶବ୍ୟାପୀ ସତର୍କତା ଚାଲିଥିବା ବେଳେ ଭୁତାଣୁକୁ ହରାଇବା ପାଇଁ ବର୍ତ୍ତମାନ ଦେଶର ଅଧାଧିକ ରାଜ୍ୟ ଏବଂ ସହର ଲକଡାଉନ ଘୋଷିତ ହୋଇଛି । ଓଡିଶା ସରକାର ମଧ୍ୟ ଆସନ୍ତା ୨୯ ତାରିଖ ରାତି ୯ଟା ଯାଏଁ ଏହି କଟକଣା ଲାଗୁ କରିଛନ୍ତି । ତେବେ ତାଲାବନ୍ଦ ସମୟରେ ରାସନ, ଔଷଧ ଓ ପରିବା ଦୋକାନଗୁଡିକୁ ବାଦ୍ ଦିଆଯାଇଥିବା ବେଳେ ଅତି ଜରୁରୀ ନଥିଲେ କେହି ବାହାରକୁ ନବାହାରିବା ପାଇଁ ପରାମର୍ଶ ଦିଆଯାଇଛି । ସେହିପରି କରୋନା ଯୁଦ୍ଧ ସହ ସଂପୃକ୍ତି ପ୍ରଶାସନିକ କାର୍ଯ୍ୟାଳୟକୁ ଛାଡିଦେଲେ ଅନ୍ୟ ସମସ୍ତ ଅଫିସ ବନ୍ଦ ରହିବ । ଆଉ ନିୟମ ଖିଲାପକାରୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି ନିର୍ଦ୍ଦେଶ ଦିଆଯାଇଛି ।
ଅନ୍ୟପଟେ, ହୋମ୍ କ୍ୱାରେନଂଟାଇନ୍ ବ୍ୟବସ୍ଥାର ଉଲଂଘନ ଅଭିଯୋଗରେ ଗତକାଲି ରାଜ୍ୟରେ ୪ ଜଣଙ୍କ ନାଁରେ ମାମଲା ରୁଜୁ କରିଛି ପୋଲିସ । ଭୁବନେଶ୍ୱର ଚନ୍ଦ୍ରଶେଖରପୁର ଅଂଚଳରେ ବ୍ୟବସ୍ଥାର ଉଲଂଘନ ଅଭିଯୋଗରେ ଦୁଇ ଜଣଙ୍କ ନାଁରେ ଥାନାରେ ମାମଲା ରୁଜୁ ହୋଇଛି । ଅନୁରୁପ ଭାବରେ କଟକ ପୁରୀ ଘାଟ ଥାନରେ ବି ଜଣଙ୍କ ନାଁରେ ମାମଲା ରୁଜୁ କରିଛି ପୁଲିସ୍ । କଟକରେ ମଧ୍ୟ ସଂପୃକ୍ତ ବ୍ୟକ୍ତିଙ୍କୁ ହୋମ୍ କ୍ୱାରେନଂଟାଇନରେ ରହିବାକୁ ପରାମର୍ଶ ଦିଆଯାଇଥିଲା । ହେଲେ, ତାହା କରିବା ବଦଳରେ ବାହାରେ ବୁଲିବା ନେଇ ଅଭିଯୋଗ ହୋଇଥିଲା । କଟକ ଭୁବନେଶ୍ୱର ଭଳି ସମ୍ବଲପୁରରେ ମଧ୍ୟ ଜଣଙ୍କ ନାଁରେ ମାମଲା ରୁଜୁ ହୋଇଛି ।