ବିବାହିତ ମହିଳାଙ୍କୁୁ ଗଳାକାଟି ହତ୍ୟା : ଗତକାଲିଠାରୁ ନଖୋଜ ଥିଲେ ମହିଳା, ସକାଳୁ ମିଳିଲା ମୃତ ଦେହ; ହତ୍ୟାକାଣ୍ଡ ପରଠାରୁ ଫେରାର ହୋଇଯାଇଛନ୍ତି ସ୍ୱାମୀ

ଭଦ୍ରକ ନୂଆ ପୋଖରୀ ଗାଁରେ ବୀଭତ୍ସ ହତ୍ୟାକୁ ନେଇ ଚାଚଂଲ୍ୟ

128

କନକ ବ୍ୟୁରୋ : ବିବାହିତା ମହିଳାଙ୍କ ଗଳାକାଟି ହତ୍ୟା । ଭଦ୍ରକ ଜିଲ୍ଲାର ନୂଆପୋଖରୀ ଗାଁରେ ଘଟିଛି ଏହି ବିଭତ୍ସ ହତ୍ୟାକାଣ୍ଡ । ଗତକାଲି ସଂଧ୍ୟାରୁ ରାଧାରାଣୀ ମହାନ୍ତି ନାମକ ଏହି ମହିଳା ନିଖୋଜ ଥିଲେ । ଆଜି ସକାଳୁ ଗାଁ ପାଖ ରାସ୍ତାକଡରେ ତାଙ୍କ ମୃତଦେହ ପଡିଥିବା ଗାଁଲୋକେ ଦେଖିବା ପରେ ପୋଲିସକୁ ଖବର ଦେଇଥିଲେ । ମହିଳାଙ୍କ ତଂଟି କାଟି ହତ୍ୟା କରାଯାଇଥିବା ଜଣାପଡିଛି ।

ହେଲେ ଆଶ୍ଚର୍ଯ୍ୟର କଥା ହେଉଛି ହତ୍ୟାକାଣ୍ଡ ପରେ ମହିଳାଙ୍କ ସ୍ୱାମୀ କେଉଁଆଡେ ଫେରାର ହୋଇଯାଇଛନ୍ତି । ମୃତ ରାଧାରାଣୀ ୬ ବର୍ଷ ତଳେ ନାରଣ ମହାନ୍ତିଙ୍କୁ ବିବାହ କରିଥିଲେ । ଏମାନଙ୍କର ୫ ବର୍ଷର ଏକ ଝିଅ ରହିଛି । ତେବେ କେଉଁ କାରଣରୁ ରାଧାରାଣୀଙ୍କୁ ହତ୍ୟା କରାଗଲା ତାହା ଅସ୍ପଷ୍ଟ ରହିଛି । ସେହିପରି ସ୍ୱାମୀ ନାରଣ କୁଆଡେ ଗଲେ ତାକୁ ନେଇ ସନ୍ଦେହ ବଢିବାରେ ଲାଗିଛି ।

 

Comments are closed.