ଭଦ୍ରକ ଡାହାଣୀଗଡିଆ ହରିଶଙ୍କର ଗ୍ୟାରେଜରେ ଅଗ୍ନିକାଣ୍ଡ : ନିଆଁ ଲାଗି ଜଳିଗଲା ୪ଟି ବସ ଓ ୨ଟି ସ୍କପ୍ରିଓ
ନିଆଁକୁ ଆୟତ କଲା ଅଗ୍ନିଶମ ବାହିନୀ, ଅଗ୍ନିକାଣ୍ଡର କାରଣ ଅସ୍ପଷ୍ଟ
କନକ ବ୍ୟୁରୋ : ଭଦ୍ରକ ଟାଉନଥାନା ଡାହାଣୀଗଡିଆ ସ୍ଥିତ ହରିଶଙ୍କର ଗ୍ୟାରେଜରେ ଅଗ୍ନିକାଣ୍ଡ । ନିଆଁ ଲାଗି ଗ୍ୟାରେଜରେ ଥିବା ୪ଟି ବସ ଓ ୨ଟି ସ୍କପ୍ରିଓ ଜଳିଯାଇଛି । ଅଗ୍ନିଶମ ବାହିନୀ ପହଚିଂ ନିଆଁକୁ ଆୟତ କରିଛି । ବିଳମ୍ବତ ରାତିରେ ଗ୍ୟାରେଜରେ ନିଆଁ ଲାଗିଛି । ତେବେ ଅଗ୍ନିକାଣ୍ଡର କାରଣ ଜଣାପଡିନାହିଁ ।
Kanak News is now on WhatsApp
Join and get latest news updates delivered to you via WhatsApp
ସେପଟେ, ଭଦ୍ରକ ବ୍ଲକ୍ କଲେଇ ଜିପିର ବଲାଜିତ୍ ପଡା ଗ୍ରାମରେ ଗତକାଲି ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୧୦ ବଖରା ଘର ଭସ୍ମୀଭୂତ ହୋଇଯାଇଛି । ଏହି ଅଗ୍ନିକାଣ୍ଡରେ ପ୍ରାୟ ୫ ଲକ୍ଷ ଟଙ୍କାର ସମ୍ପତ୍ତି ନଷ୍ଟ ହୋଇ ଯାଇଛି। ଏଥିସହିତ ଘରେ ଥିବା ଆସବାବ ପତ୍ର , ଟିଭି , ବାସନ କୁସନ୍ , ପୋଷାକ ଆଦି ପୋଡ଼ି ପାଉଁଶ ହୋଇଯାଇଛି । ଗ୍ରାମର ଅନିଲ ସ୍ୱାଇଁ, ସୁରେନ୍ଦ୍ର ସ୍ବାଇଁ, ବାବିଲତା ସ୍ୱାଇଁ, ଲକ୍ଷ୍ମୀଧର୍ ସ୍ୱାଇଁଙ୍କର ଘର ପୋଡ଼ି ପାଉଁଶ ହୋଇଯାଇଛି । କେବଳ ଏତିକି ନୁହେଁ ଦେବେନ୍ଦ୍ର ସ୍ୱାଇଁଙ୍କର ଝିଅ ବାହାଘର ଲାଗି କିଣା ଯାଇଥିବା ସାମଗ୍ରୀ ପୋଡ଼ି ଭସ୍ମୀଭୂତ ହୋଇଯାଇଛି ।