ମଣ୍ଡିରୁ ଧାନ ନଉଠିବା ପ୍ରତିବାଦରେ ପୁଣି ମାତିଲେ ଚାଷୀ : ଭଦ୍ରକ ୫୩ ନମ୍ୱର ରାଜ୍ୟ ରାଜପଥରେ ଧାନ ଢ଼ାଳି କଲେ ରାସ୍ତାରୋକ
କନକ ବ୍ୟୁରୋ : ଧାନ ବିକ୍ରି ସମସ୍ୟାକୁ ନେଇ ରାସ୍ତାରେ ଧାନ ଢାଳି ରାସ୍ତା ରୋକ କଲେ ଚାଷୀ । ଚାଷୀଙ୍କୁ ଟୋକନ ମିଳିଛି, ଟୋକନରେ ଧାନ ଦେବାର ତାରିଖ ମଧ୍ୟ ରହିଛି ହେଲେ ଧାନ ନେଉ ନାହିଁ ସେବା ସମବାୟ ସମିତି । ଅନ୍ୟପଟେ କଟନି ଛଟନୀ ସମସ୍ୟା ମଧ୍ୟ ଲାଗି ରହିଛି । ଯାହାକୁ ନେଇ ତାତି ଉଠିଛନ୍ତି ଚାଷୀ । ଭଦ୍ରକ ଆନନ୍ଦପୁର ୫୩ ନମ୍ବର ରାଜ୍ୟ ରାଜପଥର ଗଣିଜାଙ୍ଗ ବଜାର ଠାରେ ଧାନ ଢାଳି ରାସ୍ତା ରୋକ କରିଛନ୍ତି ଚାଷୀ ।
Kanak News is now on WhatsApp
Join and get latest news updates delivered to you via WhatsApp
ଚାଷୀଙ୍କ ଅଭିଯୋଗ ଅନୁସାରେ, ଟୋକନ ମିଳିଥିଲେ ମଧ୍ୟ ଟୋକନର ଅବଧି ସରିଯାଇଛି ହେଲେ ଧାନ କିଣୁ ନାହିଁ ସେବା ସମବାୟ ସମିତି । ତେଣୁ ଦଲାଲଙ୍କୁ ଧାନ ବିକ୍ରି କରିବା ପାଇଁ ବାଧ୍ୟ ହେଉଛି ଚାଷୀ । ପ୍ରକୃତ ଚାଷୀ ଧାନ ବିକ୍ରି କରିପାରୁନଥିବା ବେଳେ କଟନି ଛଟନୀ ସମସ୍ୟା ମଧ୍ୟ ରହିଛି । ଫଳରେ ଧାନ ବିକ୍ରି ସମସ୍ୟାକୁ ନେଇ ରାସ୍ତାରେ ଧାନ ଢାଳି ରାସ୍ତା ରୋକ କରିଛନ୍ତି କୃଷକ । ଫଳରେ ରାସ୍ତାରେ ଯାତାୟତ ବାଧାପ୍ରାପ୍ତ ହୋଇଛି । ରାସ୍ତାର ଉଭୟ ପାଶ୍ୱର୍ରେ ଗାଡ଼ି ମଟର ଅଟକି ରହିଛି ।