ମମତାଙ୍କଠାରୁ ପରାଜୟ ପରେ ପ୍ରତିକ୍ରିୟା ରଖିଲେ ବିଜେପି ପ୍ରାର୍ଥୀ: କହିଲେ, ମୁଁ ମ୍ୟାନ ଅଫ ଦି ମ୍ୟାଚ ହୋଇଛି
କନକ ବ୍ୟୁରୋ: ପଶ୍ଚିମବଙ୍ଗ ଭବାନୀପୁର ସିଟରେ ହୋଇଥିବା ଉପନିର୍ବାଚନରେ ବଡ ବିଜୟ ହାସଲ କରିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ସେ ବିଜେପି ପ୍ରାର୍ଥୀ ପ୍ରିୟଙ୍କା ଟେବରିବାଲଙ୍କଠାରୁ ୫୮ ହଜାର ଭୋଟରେ ବିଜୟ ହାସଲ କରିଛନ୍ତି । ହେଲେ ପରାଜୟ ପରେ ବି ଜୋସ ହରାଇ ନାହାନ୍ତି ବିଜେପି ପ୍ରାର୍ଥୀ ।
Kanak News is now on WhatsApp
Join and get latest news updates delivered to you via WhatsApp
ପରାଜୟ ପରେ ବିଜେପି ପ୍ରାର୍ଥୀ ପ୍ରିୟଙ୍କା ଟେବରିବାଲ କହିଛନ୍ତି, ବଙ୍ଗ ଖେଳର ମ୍ୟାନ ଅଫ ଦି ମ୍ୟାଚ ହେଉଛି ମୁଁ । ମୋ ପାଇଁ ଏବେ ଲମ୍ବା ରାସ୍ତା ପଡିଛି । ଲଢେଇ ଜାରି ରହିବ । ଗୋଟିଏ ମ୍ୟାଚରେ ଗୋଟେ ଟିମ ହାରିଥାଏ ଓ ଆଉ ଗୋଟିଏ ଜିତି ଥାଏ । ସେହିଭଳି ଏହା ଗୋଟିଏ ମ୍ୟାଚ ଥିଲା । ଏହା ନୁହେଁ କି କେବଳ ଜିତିଥିବା ଟିମର ଖେଳାଳି ମ୍ୟାନ ଅଫ ଦି ମ୍ୟାଚ ହେବ । ସେମିତି ଆଜିର ଏହି ନିର୍ବାଚନୀ ଖେଳରେ ମୁଁ ମ୍ୟାନ ଅଫ ଦି ମ୍ୟାଚ ।
ଏପଟେ ମମତାଙ୍କ ବିଜୟ ପରେ ନିର୍ବାଚନ କମିଶନ ପଶ୍ଚିମବଙ୍ଗ ସରକାରଙ୍କୁ ଯେପରି କୌଣସି ହିଂସା ନ ହୁଏ ସେଥିପ୍ରତି ଧ୍ୟାନ ଦେବାକୁ କହିଥିଲେ । ବିଧାନସଭା ନିର୍ବାଚନରେ ନନ୍ଦିଗ୍ରାମ ଆସନରୁ ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀଙ୍କ ଠାରୁ ପରାଜିତ ହୋଇଥିଲେ ମମତା ବାନାର୍ଜୀ । ତେଣୁ ମୁଖ୍ୟମନ୍ତ୍ରୀ ପଦରେ ରହିବାକୁ ହେଲେ ୬ମାସ ମଧ୍ୟରେ ବିଧାନସଭାକୁ ନିର୍ବାଚିତ ହେବା ମମତାଙ୍କୁ ପାଇଁ ଜରୁରୀ ଥିଲା । ମମତାଙ୍କୁ ନିର୍ବାଚନ ଲଢିବାକୁ ସୁଯୋଗ ଦେବାକୁ ତୃଣମୂଳ କଂଗ୍ରେସ ବିଧାୟକଙ୍କୁ ଇସ୍ତଫା ଦେବାକୁ ପଡିଥିଲା । ଏହାପରେ ଭାବନୀପୁରରେ ଉପନିର୍ବାଚନ ହୋଇଛି ଓ ମମତା ବିପୁଳ ଭୋଟରେ ବିଜୟୀ ହୋଇଛନ୍ତି ।
ଭବାନୀପୁରର ୪୧ ବର୍ଷିୟ ବିଜେପି ପ୍ରାର୍ଥୀ ପ୍ରିୟଙ୍କା ଟେକରିବାଲ ପେଶାରେ ଜଣେ ଓକିଲ । ପ୍ରିୟଙ୍କା ସୁପ୍ରିମ କୋର୍ଟ ଓ କୋଲକାତା ହାଇକୋର୍ଟରେ ଓକିଲାତି କରନ୍ତି । ସେହିପରି ବିଜେପିର ସେ ଯୁବା ମୋର୍ଚ୍ଚାର ଉପାଧ୍ୟକ୍ଷ ଅଛନ୍ତି । ସେ ୨୦୧୪ରେ ବିଜେପିରେ ସାମିଲ ହୋଇଥିଲେ ।