ଭବାନୀପାଟଣାରେ ଲୋକଙ୍କୁ ନୟାନ୍ତ କଲା ଭାଲୁ । ଭାଲୁ ଆକ୍ରମଣରେ ୬ ଆହତ, ଜଙ୍ଗଲି ଜନ୍ତୁକୁ କାବୁ କରିବା ପାଇଁ ବନ ବିଭାଗର ଉଦ୍ୟମ ଜାରି, ଗୋଟିଏ ସପ୍ତାହ ହେଲାଣୀ ସହରରେ ଆତଙ୍କ ଖେଳାଇଛି ଭାଲୁ ।
କନକ ବ୍ୟୁରୋ: ଘାଇଲା କଲା ଭବାନୀପାଟଣାର ଭାଲୁ । ସହର ଭିତରେ ଜଙ୍ଗଲି ଭାଲୁର ହଙ୍ଗାମା । ସବୁ କିଛି ସ୍ୱାଭାବିକ୍ ଚାଲିଥିବ ଆଉ ଯଦି ଜଙ୍ଗଲି ଜନ୍ତୁ ସହର ଭିତରକୁ ଚାଲିବ ତେବେ ସ୍ଥିତି କ’ଣ ହୁଏ ଇଏ ହେଉଛି ତାର ଚିତ୍ର । ଭାଲକୁ ଦେଖି ଲୋକ ଛାନିଆ, ଲୋକଙ୍କୁ ଦେଖି ଭାଲୁ ଛାନିଆ । ଆଉ ଏହାରି ଭିତରେ ଦୀର୍ଘ ସମୟ ଧରି ଚାଲିଥିଲା, ଭାଲୁ ମଣିଷର ସଂଘର୍ଷ । ହଠାତ୍ ଭାଲୁ ବି ନୃସଂଶ ହୋଇ ଉଠିଥିଲା । ରାସ୍ତାରେ ଯାଉଥିବା ଜଣେ ବ୍ୟକ୍ତିଙ୍କ ଉପରକୁ ଏଭଳି ଲମ୍ଫ ମାରିଲା ଯେ, ବ୍ୟକ୍ତି ଜଣକ ଲହୁଲୁହାଣ ହୋଇଗଲେ । ଭାଲୁ ମଣିଷ ଲଢ଼େଇର ଏହି ଚିତ୍ର ଆସିଛି କଳାହାଣ୍ଡି ଜିଲ୍ଲା ଭାବାନୀପାଟଣା ସହରରୁ ।
Kanak News is now on WhatsApp
Join and get latest news updates delivered to you via WhatsApp
ସହରରେ ମାତିଛି ଭାଲୁ
ଭବାନୀପାଟଣାରେ ଲୋକେ ନୟାନ୍ତ
ଗୁରୁବାର ବିଳମ୍ବିତ ରାତିରେ ଭାଲୁଟି ଭବାନୀପାଟଣା ସହରର ଜଣେ ଡାକ୍ତରଙ୍କ ଘରେ ପଶିଯାଇଥିଲା । ଏହାପରଠୁ ଭାଲୁଟି ଭବାନୀପାଟଣା ସହର ଭିତରେ ଘୁରିବୁଲୁଛି । ସାମ୍ନାରେ ପଡୁଥିବା ଲୋକଙ୍କୁ ଆକ୍ରମଣ କରୁଛି । ଭାଲୁ ଆକ୍ରମଣରେ ଶେଷ ଖବର ସୁଦ୍ଧା ୬ଜଣ ଲୋକ ଆହତ ହୋଇଛନ୍ତି । ଆଉ ଏହାକୁ ନେଇ ଏବେ ସହରବାସୀ ଭୟଭୀତ । ଘଟଣାସ୍ଥଳରେ ବନବିଭାଗର ଟିମ୍ ପଂହଚି ଭାଲୁକୁ ଧରିବା ପାଇଁ ଉଦ୍ୟମ ଜାରି ରଖିଛି ।