ଆପଣ, ନିଜର ସ୍ମାର୍ଟଫୋନ୍ ବିକ୍ରି କରୁଛନ୍ତି କି ? ସାବଧାନ ନରହିଲେ, ଲିକ୍ ହୋଇପାରେ ଆପଣଙ୍କ ବ୍ୟକ୍ତିଗତ ତଥ୍ୟ। ଆପଣାନ୍ତୁ ଏହି ଉପାୟ…
କନକ ବ୍ୟୁରୋ : ନିଜ ସ୍ମାର୍ଟଫୋନ୍ ବିକ୍ରି କରୁଥିଲେ ସାବଧାନ୍ ! ଲିକ୍ ହୋଇପାରେ ଆପଣଙ୍କ ବ୍ୟକ୍ତିଗତ ତଥ୍ୟ । ସାଧାରଣତଃ ଆପଣଙ୍କୁ କୌଣସି ନୂଆ ଫୋନ୍ କିଣିବାକୁ ଥିଲେ, କିମ୍ବା ଫୋନରେ କୌଣସି ତ୍ରୁଟି ଦେଖାଗଲେ ଆପଣ, ଆପଣଙ୍କ ମୋବାଇଲକୁ ବିକ୍ରି କରିଦିଅନ୍ତି । ସିଧାସଳଖ କୌଣସି ବ୍ୟକ୍ତିଙ୍କୁ ହେଉ କିମ୍ବା ଅନଲାଇନ୍ ପ୍ଲାଟଫର୍ମ ମାଧ୍ୟମରେ । ସ୍ମାର୍ଟଫୋନ୍ ବିକ୍ରି କରିବା ପୂର୍ବରୁ ଆପଣ ଆପଣଙ୍କ ସିମ୍ କାର୍ଡ, ମେମୋରୀ ଚିପ୍ ବାହାର କରିଦେଇଥାନ୍ତି । ଏପରିକି ବ୍ୟକ୍ତିଗତ ତଥ୍ୟ ସୁରକ୍ଷା ପାଇଁ ଫୋନକୁ ହୁଏତ ଫର୍ମାଟ କରିଦେଇଥାନ୍ତି । କିନ୍ତୁ ଏହା ଆପଣଙ୍କ ସବୁଠାରୁ ବଡ ଭୁଲ ସାବ୍ୟସ୍ତ ହୋଇପାରେ ।
Kanak News is now on WhatsApp
Join and get latest news updates delivered to you via WhatsApp
ସାଧାରଣତଃ ଲୋକମାନେ ନିଜ ଫୋନରେ ବିଭିନ୍ନ ସୋସିଆଲ୍ ମିଡିଆ ଆକାଉଂଟର ପାସୱାର୍ଡ, ଅନଲାଇନ୍ ଟ୍ରାଞ୍ଜାକ୍ସନ ପାସୱାର୍ଡ, ଫଟୋ, ଭିଡିଓ ଇତ୍ୟାଦି ସେଭ୍ କରି ରଖିଥାନ୍ତି । ଯାହାକୁ କି ଫୋନ୍ ରିସେଟ୍ କିମ୍ବା ଫର୍ମାଟ କରିବା ପରେ ମଧ୍ୟ ଅତି ସହଜରେ ରିକଭର କରାଯାଇପାରିବ । ହ୍ୟାକର୍ସ ମାନଙ୍କ ପାଇଁ ଏହା ବାଁ ହାତର ଖେଳ । ଆଉ ଏପରି ସ୍ଥଳେ ଆପଣଙ୍କ ବ୍ୟକ୍ତିଗତ ତଥ୍ୟର ଭୁଲ୍ ବ୍ୟବହାର ହୋଇପାରେ । ତେବେ ଆସନ୍ତୁ ଜାଣିବା କେମିତି ଆପଣଙ୍କ ବ୍ୟକ୍ତିଗତ ତଥ୍ୟକୁ ସୁରକ୍ଷିତ ରଖିବେ ।
ସବୁ ସ୍ମାର୍ଟଫୋନ୍ ୟୁଜର୍ସ ନିଜ ଫଟୋ, ଭିଡିଓ, ଫୋନ୍ ନମ୍ବର ଅନ୍ୟ କୌଣସି ଡିଭାଇସ୍ କିମ୍ବା ଗୁଗୁଲରେ ସେଭ୍ କରିଦିଅନ୍ତି । ଯାହାଦ୍ୱାରା ସେଗୁଡିକୁ ଅତି ସହଜରେ ରିକଭର କରାଯାଇପାରିବ । କିନ୍ତୁ ସାଧାରଣତଃ ବ୍ୟାକଅପ୍ ଡାଟାକୁ ନିଜ ଫୋନରୁ ‘ମାନ୍ୟୁଆଲି ଡିଲିଟ୍’ କରିବାକୁ ଭୁଲିଯାଇଥାନ୍ତି । ଏହାର ଫାଇଦା କିଛି ଲୋକ ଉଠାଇପାରନ୍ତି, ଏବଂ ଏହି ଡାଟାର ଅପବ୍ୟବହାର କରିପାରନ୍ତି । ତେଣୁ ଆପଣ ଧ୍ୟାନର ସହ ବ୍ୟାକଅପ୍ ପରେ ଡାଟା ଡିଲିଟ୍ କରିବାକୁ ଭୁଲନ୍ତୁ ନାହିଁ ।
ଯେତେବେଳେ ଆପଣ କୌଣସି ସ୍ମାର୍ଟଫୋନରୁ ଫଟୋ, ଭିଡିଓ, ଡକ୍ୟୁମେଂଟ୍ସ, ମ୍ୟୁଜିକ୍ ଆଦି ଡିଲିଟ୍ କରିଥାନ୍ତି, ତାହା ପରମାନେଂଟ ଡିଲିଟ୍ ହୋଇନଥାଏ । ସେଗୁଡିକ କେବଳ ଫୋଲଡରରେ ଆପଣଙ୍କୁ ଦେଖାଯାଇନଥାଏ । ଏପରି ସ୍ଥଳେ କୌଣସି ବି ରିକଭର ସଫ୍ଟୱେୟାର ମାଧ୍ୟମରେ ଆପଣଙ୍କ ତଥ୍ୟ ପୁଣି ଥରେ ଡାଉନଲୋଡ ହୋଇପାରିବ । କିନ୍ତୁ ଆପଣ ଓଭରରାଇଡ୍ ଫିଚର୍ସ ମାଧ୍ୟମରେ ଏଥିରୁ ବର୍ତିପାରିବେ । ଏଥିପାଇଁ ଆପଣଙ୍କୁ ପ୍ଲେଷ୍ଟୋରରୁ ସେରିଡ୍ ଆପ୍ ଡାଉନଲୋଡ୍ କରିବାକୁ ହେବ । ଏହି ଆପ୍ ମାଧ୍ୟମରେ ଆପଣ ଆପଣଙ୍କର ସବୁ ତଥ୍ୟକୁ ପରମାନେଂଟ ଭାବେ ଡିଲିଟ୍ କରିପାରିବେ ।